《✨Jagabee 魔法『卡』年華🪄@慈雲山中心》

#聖誕好去處2022 媽媽係一個薯片控，但只係鍾情卡樂B，所以絕對係卡樂B嘅忠粉嚟😆。今個聖誕🎄，知道Potta化身成魔法師出現響慈雲山中心，媽媽就帶埋豬仔包出發去探Potta啦💨💨💨 魔法「卡」年華活動節目非常豐富，打卡📸、遊戲🤹‍♀️、做任務🔎、工作坊🎨等，應有盡有，包括： ❤️ 願望魔術陣及星光隨道 🧡 魔法之旅 💛 魔法「卡」年華攤位遊戲 💚 魔法能量站 💙 魔法卡限定遊戲 💜 魔法工作坊 🤎 魔法師Potta見面會 🖤 音樂表演 🤍 Jagabee 魔法聯乘精品 媽媽同豬仔包去到慈雲山中心，第一時間就係去5️⃣樓攞「魔法手冊」💨💨💨 （🌟平日係去3️⃣樓顧客服務台） 可惜去到話「魔法手冊」已經派哂😱，豬仔包非常失望🥺，之後我哋就上去7️⃣樓諗住玩吓攤位都唔錯😅，點知活動又係太受歡迎，攤位遊戲嘅禮物🎁都已經送哂，工作人員都預備開始收拾🙈。 有個工作人員姐姐好好，知道豬仔包專程嚟玩，雖然冇禮物🎁，但都可以比佢玩攤位嘅遊戲，實在太好啦，總算冇白行一趟😍 本來媽媽想遲啲再同豬仔包去多次，問工作人員先知「魔法手冊」12點開始派發，但未夠12點已大排長龍，仲話1點前必定派哂😨，媽媽真係太低估活動嘅吸引力，見派發時間去到夜晚8️⃣點，意為活動都係會去到晚上，但原來攤位6️⃣點就完結，魔法手冊更加係極早已派完🤦🏻‍♀️。媽媽真係太大意，太遲先去了，下次想再玩真係要非常早去先得啊😅 由於豬仔包唔肯走，又攞唔到「魔法手冊」，媽媽就決定去商場買本簿，比豬仔包收集吓蓋印，豬仔包聽到媽媽呢個提議，即刻開心哂🤣 取蓋印地方真係佈滿成個商場，1️⃣樓、4️⃣樓、5️⃣樓、6️⃣樓及7️⃣樓空中花園都有，而且每個魔法能量站都好靚，絕對係打卡位📸 而7️⃣樓嘅空中花園，夜晚影相特別有感覺，因為魔法師Potta嘅巨型魔法陣✡️亮起燈，真係有施展緊魔術嘅感覺✨，再加埋星光隨道，打卡真係好靚😍 雖然今次未能全程參與所有活動，但豬仔包依然好開心，搭車番屋企都仲睇緊啲印章，媽媽決定響指定日子嘅「魔法師Potta見面會」再同豬仔包朝聖多次，大玩特玩先得😆 🗓日期：2022年12月1日至2023年1月15日 📮地點：慈雲山中心 #親子活動好去處 #親子 #親子活動 #聖誕 #聖誕活動 #打卡 #玩遊戲 #做任務 #攤位遊戲 #jagabee #calbee #魔法卡年華 #慈雲山中心 #全職媽媽 #4y3m #豬仔包の開心日常