《第一次預約同米奇及好友會面@香港迪士尼樂園》

農曆新年假期期間，豬仔包成日都話想去迪士尼樂園玩，可惜金卡整個新年假期都不適用，適逢噚日有學校假期，又陽光普照☀️，係時候出發玩番餐啦💨💨💨 媽媽知道進入迪士尼樂園後可以預約等候卡同迪士尼角色見面，但每次我哋都冇用呢項服務，事關想影嘅「我與DUFFY遊歴之旅」，聽聞11點前一定要入到園內預約，否則是預約不到的🥺，對於住得遠嘅我們嚟講，是不可能能的任務😔。而另外嘅「皇室禮賓庭與迪士尼公主及女王會面」豬仔包又不感興趣😅。 不過今次豬仔包同媽媽一入園，就即刻去預約，因為有一項新嘅奇妙處處通會員專享服務，「於會客室與迪士尼朋友會面」😍 呢項服務到2月27日都係會員限定，響會客室同我哋見面嘅迪士尼好友全部都會換上迪士尼百週年慶典閃亮服飾，真係好期待同佢哋合照呀☺️。幸好噚日人流不算太多，加上只有會員可以預約，總算比我哋預約到，跟著就可以好安心去玩lu😛 豬仔包第一時間去玩上次玩唔到嘅彈弓狗，之後勇敢地陪媽媽玩一直唔敢玩嘅迷離大宅🤣，意外地撞正有介紹迷離莊園嘅環節，攪到豬仔包驚上加驚🤣🤣🤣 由於豬仔包未夠高玩過山車🎢，又驚玩迷離大宅，好少會去迷離莊園同灰熊山谷區域，所以今次路過，變成好有新鮮感，響噴泉山谷⛲️玩咗同睇咗好耐呢😆 雖然去咗好多次迪士尼樂園，但真係總有不同體驗，今次入園最深切感受，就係可以同其他賓客一齊玩。 之前因為疫情關係，每項機動遊戲都係自己一組人玩，而家可以同其他賓客一齊玩，除咗可以大大縮短輪候時間之外，仲可以同其他小朋友有交流，非常開心😊 另外，我哋預約響會客室與迪士尼朋友會面，終於可以近距離接觸同交流啦，真係非常感動🥹。 全日我哋玩嘅項目，差不多全部都只係排5-10分鐘，想玩想睇嘅全部都參與到，所以我哋真係玩得好舒服又好盡興。而各個項目我哋坐唔同位置，睇到同感受到都同之前不一樣，真係好驚喜，好滿足咁渡過愉快嘅一天🥰 #親子 #親子玩樂好去處 #親子活動 #假日好去處 #香港迪士尼樂園 #迪士尼 #hkdisneyland #hongkongdisneyland #打卡 #於會客室與迪士尼朋友會面 #會員限定 #本地遊 #全職媽媽 #4y4m #豬仔包の開心日常