[親子好去處] #日本 #四國 #小豆島 #石灘鞦韆 #沖繩教堂 #魔女宅急便 #歐陸式廣場 #迴旋木馬 #心形鎖 #沙灘 #堆沙 來一場 #香港版 #日本之旅 ~ 今朝天陰陰，都驚朝早會落雨，好彩又冇~ 難得豬 隊友又可以早起到身 ，我哋就出發去 #欣澳 行行。 一條平坦寬闊嘅道路，好好行。而且右邊有個靚海景有輪船 ，左邊間中有港鐵 經過，頭頂有時仲有飛機 飛過，真係有齊海陸空 。 之後經過石灘和鞦韆，就去到 香港版之稱嘅 小豆島 。（請於退潮時前往才能看到天使之路） 真係要記住 #自己垃圾自己帶走 呀 ~唔好亂拋垃圾~ 退咗潮，有好多垃圾係條 #天使之路 度 。 其實香港真係好靚，我哋要好好愛惜~ #我愛香港 沿路返出去時，小朋友有少少累，好彩係地下執到好大條草 。（不是摘，係地下執） 要教小朋友愛惜大自然啊 阿囡好鐘意條草 ，因為佢覺得好似魔女宅急便裡琪琪把掃把 。 我哋玩咗掃把飛行 。 我叫小朋友飛去巴士站先自己行，甚至跑 。 (做媽媽真係少D創意都唔得 ) 跟住我哋搭巴士入 #愉景灣 ~~一個充滿歐陸色彩嘅小鎮。 廣場有粉紅色 #旋轉木馬 、#心形鎖牆 和 #壁畫牆 #打卡 ~ 我哋食完午餐之後，行去一個好似日本沖繩教堂 看看。 我真係好想去好耐，一直都無機會，今次終於去到喇 ! 之後我哋行去沙灘那邊玩沙 ，小朋友真係好鐘意玩沙 。 開開心心又大半日~由上午八點半出發，玩到兩點~ 返到屋企，小朋友沖完涼就瞓晏覺 ，時間剛剛好 。 香港版日本四國小豆島(長索島) 前往方法: 欣澳港鐵站出閘後，面向海向左行，沿海邊往前走。(注意沿路間中會有車輛駛入) 行到分义路，左邊平路沿路軌邊，右邊沿海。選擇沿海繼續行，欄杆初時是淺藍色，之後是綠色的。跟著會落樓梯，經過鹿頸村(有士多和公廁，但我未去過) (注意村民有養狗，提示小朋友不要見到狗隻而尖叫引起注意)。 我的囝囝因有尖叫，曾引起狗隻吠。其實狗隻不是太惡的，只要提示小朋友見到狗隻不是給太大反應，慢慢行就可以了。 最難行是石灘，請小心扶著小朋友往前走，幸好石灘路程很短。 見到鞦韆後，前面就是小豆島! 沿路沒有櫈休息，但可以坐吓大石抖吓。 行咗35-40分鐘左右。 注意潮汐時間，選擇退潮時去(每天也有些差別)，可以留意天文台網站。 (可選擇馬灣地區) (一般在早上的時間) (較早亦較少人) 香港版日本沖繩教堂 之後沿路行返去港鐵站前的巴士站，搭DB03P，總站落。(注意約30分鐘一班車) 落車後，向左行是愉景灣北商場，可以吃午飯、看木馬和壁畫等。向海方向行，落樓梯，見到心形鎖，向左轉直行便是沙灘(不是公眾泳灘，不建議游泳，可以堆沙) 。見到心形鎖，向右轉直行便是酒店，過了酒店便是日本沖繩教堂。 #親子活動 #假日好去處 #香港遊 #離島好去處#親子好去處#行山#海邊拍攝攻略