大角咀隱世泰國菜館

依間泰國餐廳位於利奧坊地下，其實依間店係之前喺博文街嘅，而家搬咗過嚟，新店裝修更加有泰國風格，燈光光猛，職員都係泰國人，可能太耐冇去旅行，有種身處泰國嘅感覺，職員都好有禮貌，而且會細心提示老人家坐位後面有台階，餐具都有預先提供水浸住清洗，食物叫咗泰式明爐烏頭魚（不辣）$179 、泰式海南雞半隻$128、咖喱海鮮脆包盅$155、原個菠蘿海鮮焗飯$108、芒果冰特飲$36、椰汁珍多冰$32，原條烏頭魚放在魚形爐上，用有啲似冬陰公味嘅湯加熱，餐廳仲好細心另外有一兜湯俾我哋，如果唔夠湯可以淋上去，魚質鮮嫩，海南雞肉質好滑，點埋啲醬汁（有辣同唔辣）提升咗個味，咖喱海鮮脆包，啲咖喱好正，一啲都唔搶喉，唔油膩，同來撈飯點包一流，菠蘿海鮮飯啲飯粒粒分明，個飯帶點菠蘿嘅清甜感，不錯，個兩杯飲品好適合夏天飲，飲完透心涼而且唔會過甜，整體來講各方面都不錯值得支持. #泰國菜#餐廳#大角咀#隱世#好味#泰國人#咖喱#curry