櫻島賞火山+足浴😍

📍櫻島 日本九州鹿兒島灣北部 黎得鹿兒島又點少得好出名櫻島呢！ 主要既景點有湯之平展望所，赤水展望資場、足湯等等🥳 係櫻島港落船附近就會係溶岩公園，而個足湯(圖三)就係溶岩公園入面，超長😱！仲可以一邊睇住海一邊望住櫻島火山浸住腳，真係寫意到不得了🥹🥹環境十分之空曠，唔會坐得好擠迫👍🏻啲水既溫度都唔會話好好好熱，又唔會凍，超舒服☺️坐下坐下都不知不覺過左半日~ 跟住就係一定要去既湯之平展望所，我地今次就係坐Island View出發，Island View係一條循環線，係櫻島港出發，途中會經赤水展望廣場、湯之平展望所，最後會返返去櫻島港，十分之方便👍🏻 由櫻島港去湯之平展望所需時35分鐘左右，不過要留意返佢地一日只有8班車，如果唔小心錯過左就要步行返落去架啦🤣 去到湯之平展望所既2樓仲會有個櫻島火山介紹中心，入面會有好詳盡既火山形成介紹/歷史等等資訊，有興趣都可以停低望一望👍🏻然後上到最高就會有一個打卡點，可以一次過影晒櫻島火山同紀念石碑（圖六），第一次咁近距離睇真係覺得好震撼😻 係櫻島慢慢行都真係可以行足一日，周不時都會見到有啲貓貓🐱係到，好多都唔驚人任你摸😻真係推薦大家前往！ 🚌係鹿兒島中央車站搭市電係「水族館口」落車再轉渡輪 🚌係鹿兒島中央車站4.5.6乘車處搭巴士，係「水族館前」落車再轉渡輪 兩個方法時間都差不多👍🏻 #日本景點 #鹿兒島 #櫻島 #日本好去處 #japan