【觀塘特色越北牛肉酸鍋】

#冬遊記 —地址 Hei's Kitchen 觀塘興業街4號The Wave1樓101及103號舖 —環境 位於觀塘工廠區，算係比較企理裝修比較好嘅The Wave ，試吓食東南亞菜。環境大，位多。 —特色 牛肉酸鍋 特色北越牛肉酸鍋係呢間Hei’s Kitchen 嘅其中一個招牌，賣相同擺盤都好有儀式感，一塊塊薄肥牛捲起擺盤，底有芽菜，食法就好似打邊爐咁，秘製酸鍋湯底好特別，可以話第一次用呢種味道淥肥牛，湯底都非常開胃，係幾特別少見嘅菜式。檬粉可以按自己喜好控制軟硬度，不過如果檬粉份量再多啲就更開心﹗ 海鮮炒飯 係最近食過算係幾有水準嘅炒飯，功力在於炒得唔會太乾又唔會好濕，亦都唔會好油，真係做到恰到處嘅炒飯粒﹗而且海鮮都炒得好香。 Lemonade 食味道較濃郁嘅北越菜式，酸酸甜甜嘅 Lemonade 原來都幾夾，清爽嘅口味，反而清返口腔各種調味嘅感覺，我個人就比較鍾意Lemonade多過泰式奶茶﹗ 泰式奶茶 泰式奶茶飲落同泰國飲嘅差唔多，不過呢度應該因應咗香港人口味調整，冇咁甜，幾好des~ 人均 $150 評分： 4/5 #本地遊 #駐站作家 #foodie #冬日幸福感美食