工廈美食！手打和牛漢堡 x 蘭王蛋 x 丼飯

#mc帶你去觀塘 . 觀塘返工真係好多好嘢食🤤，美食小店大多隱藏於工業大廈，除咗著名美食集中地嘅駱陀漆大廈之外，旁邊啲工業大廈其實都臥虎藏龍😜。今次揀咗其中一間新開張嘅小店，主打日式丼飯嘅餐廳🍚。 . ✨ 牛霸王 裝潢採用簡約設計，行日系和風格調🎋，配以木系餐桌、竹藤餐椅🪵，簡潔舒服又讓人感覺輕鬆舒適，而且每張櫈子下面都可以擺放手袋📥，就算店鋪空間細，用餐體驗都舒舒服服。 . 🥢 招牌手打和牛漢堡蘭王蛋飯 [秘製漢堡汁｜芥辣酸瓜] $128 ✨餐廳既招牌菜式，每日限量供應✨ 橙紅色蘭王蛋🥚、雪白色蘿蔔蓉同青綠色酸瓜蓉，一層層嘅造型、賣相十分吸睛😍！手打漢堡扒用和牛製作而成，肉質非常軟腍，入口一咬就化開🥰，脂肪分佈比較高，油脂香明顯🤤！秘制漢堡汁係自家製，質地比較濃稠，帶少少柚子香☺️，味道唔會死鹹。 . 🥢 手打芝士安格斯漢堡丼蘭王蛋飯 [白味噌汁｜日式泡菜] $118 ✨餐廳既招牌菜式，每日限量供應✨ 安格斯漢堡扒嘅肉質相對比較厚實，漢堡扒表面微微焦香✨，食落牛肉味濃郁，芝士味無蓋過牛肉味👍🏻！有肉汁，非常Juicy💦！白味噌汁就無咁重口味，淡淡味噌味🫕，配埋蘭王蛋蛋味香濃、自家製日式泡菜微微嘅酸辣，好好味！落單時可以揀多飯少飯、多汁少汁，好貼心👍🏻超級客製化！ . 🥢 日式牛肉薯餅 （套餐加配 $20） 即叫即炸！炸到金黃色非常吸引😍，炸粉唔會過多，入口香脆而不太油膩🤭。雖然牛肉味無和牛、安格斯漢堡扒咁香濃，但食落都幾鬆軟，而且皮肉不分離☺️，值得一試。 . 🥢 蜂蜜綠茶 （套餐加配 $5） 味道正正常常。 . 🥢 白桃烏龍 （套餐加配 $15） 用日式茶具盛載嘅白桃烏龍🍵，盡顯日系和風，儀式感滿滿！飲落淡雅幽香，啖啖回甘，除油解膩一流💯！ . ✨ 新張優惠（晚市85折，無加一服務費） 即日起至2024年2月29日，於晚市18:00-21:30時段惠顧，即享85折新張優惠（堂食每位最低消費$68元）。 . ✨ 服務 雖然用QR Code 落單，但店員都詳細咁介紹餐牌上面嘅菜式，建議埋醬汁與配料嘅配搭，全程好有禮貌，依家買少見少！ . ⭐整體︰9.0/10 ⭐食物︰9.5/10 ⭐環境︰8.0/10 ⭐價錢︰9.5/10 . 🟰🟰🟰🟰🟰🟰🟰🟰🟰🟰🟰🟰🟰🟰🟰🟰 📍 牛霸王 地址：觀塘成業街19-21號成業工業大廈1樓26號舖 交通︰港鐵觀塘站 B2 出口 🟰🟰🟰🟰🟰🟰🟰🟰🟰🟰🟰🟰🟰🟰🟰🟰 . #ming_course #週末好去處 #拍拖好去處 #情侶好去處 #香港小店 #觀塘區美食 #觀塘美食 #觀塘一日遊 #觀塘好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #觀塘 #觀塘工廈 #工廈美食 #牛霸王 #牛霸王 #蘭王蛋 #丼飯 #日本菜 #觀塘日本菜 #觀塘日本料理