澳門🇲🇴新濠影匯酒店

前日星期一入住澳門🇲🇴新濠影匯 Celebrity Room 一晚，大約2千零蚊。 雙人房，無咩特別，但乾淨。房都夠光，洗手間嘅比較算係企缸/ 大少少啲浴缸，用唔到浸浴神器架～ 房間無剃鬚刀，要打去服務台等機械人送上嚟，但都幾耐下，所以喺走廊見到執房姐姐直接攞就算，更加快捷方便。 房間住一晚有成六支細水，方便攜帶都幾好。 樓下有gym room, 晚飯後都幾多人。 大熱嘅新濠水上樂園星期一都超級多人排，室內嘅有啲要排隊，甚至要排兩個鐘；A區就係室外，但只是比較唔清晰好多人都會Miss咗A區嘅指示路向，直到離開時先會見到，但已經太遲。 同埋酒店大堂有點格格不入，又紅又金，以為自己去咗葡京。同埋酒店都用晒簡體字，感覺似去咗大陸。 整體而言，唔會再去。不過星匯嘅buffet唔錯，幾多選擇，而且好味。 ** 純個人感受 ** 希望各位有愉快嘅體驗。 #報名酒店試睡員 #澳門酒店 #澳門美食 #澳門景點 #澳門打卡 #澳門旅遊攻略 #澳門遊 #澳門旅行 #澳門好去處 #新濠影滙水上樂園 #新濠影滙