【京阪神】初次自駕遊分享

今次9日8夜關西之旅，因為想去近郊地區，所以選擇自駕遊。 行程： 關西空港出發→神户有馬溫泉→淡路島→大阪市→京都琵琶湖滑雪場（即日來回）→大阪市→ 關西空港 近年愈來愈多人喜歡遊覽近郊地方，例如我今次會去嘅淡路島同琵琶湖，路程較遠，有公共交通工具上嘅限制。自駕不但方便，多人去的話甚至更慳到交通費。 計劃行程時彈性啲，無需擔心電車班次，亦無需煩惱買什麼Pass（呢兩樣係我每次去日本最頭痛嘅事🤣） 事前做過好多資料搜集，日本係個適合香港人初次自駕遊嘅好地方。同香港一樣都係右軚車，路牌又多數寫漢字，而且日本人揸車好禮讓。去到近郊地區會比較少車，慢慢揸都無問題。 自駕遊出發前記得做好準備功夫，保障自己玩很安心。 首先申領國際車牌，費用$80，準備身分證、填好申請表、兩張近照及住址證明，就可以去運輸處排隊啦🤪，當然亦可以網上預約。車牌到手後即時生效，帶埋去就可以喺日本揸車～ 網上租車時，有兩樣野建議揀埋 租借ETC卡同 購買最高級別車保（👈🏻好重要‼️我下一篇會詳細講） 日本有好多高速公路 ，公路收費站都有ETC專用車道，張卡自動一嘟就可以通過，還車時先一次過比公路費，慳返好多俾錢嘅手續。（你知啦 日本啲散銀多到頭痕🤣） 另外，選擇酒店嘅時候最好都揀有埋停車場，方便上落行李，泊喺酒店都比較有保障。 自駕遊咁多優點，之但係去旅行總有預計以外嘅事情，下篇會講下 自駕遊真實體驗後感😎 #日本旅行 #關西之旅 #自駕遊 #京阪神 #大阪 #京都 #神戶 #淡路島