【 近距離欣賞鯨鯊。天保山海遊館 】

#日本景點 【 近距離欣賞鯨鯊。天保山海遊館 】 🐋「天保山海遊館」係日本最壯觀水族館之一，幾年前帶過哥哥黎參觀，仲好記得佢見到鯨鯊既興奮反應，期待弟弟見到都會覺得好開心呀！ 💕我哋預先係網上買定入場卷，落機後到專櫃領取門票，今日就可以直接入場，好方便！ 🐡「天保山海遊館」真係好大，如果慢慢欣賞影相，可以消耗3小時！館內最愛活動就係可以觸摸魟魚和小鯊魚，係一個好特別既體驗，弟弟又要驚又要摸，好攪笑！ 🐠當然唔少得主角鯨鯊，真係好巨大好靚！仲有企鵝餵食表演、國王企鵝、水豚君、海豹、海獺、水母和不同種類既熱帶魚等，好精彩！ 🐳行完記得去埋紀念品商店，入面既動物公仔全部都好可愛架！ 
🎡安妮媽媽大力推介！兩兄弟睇得好開心，加上海遊館附近仲有天保山摩天輪、聖瑪麗亞號觀光船、大阪樂高樂園等景點都好值得去，加上仲有美食大街、大阪土產手信店等，用作一天遊就啱哂！ 🌈因為我哋前幾年已經體驗過，所以就唔再重複行程了。但大家如果想玩哂以上景點，建議買大阪周遊卡，包一整日車費和景點入場券，去海遊館仲會有折扣優惠添！ 
🐠天保山海遊館 🔸地址：大阪市港區海岸通1-1-10 
🔸營業時間：10:00–20:00 (每日時間、休館日依季節變動，出發前請到官網確認)
 #日本景點 #親子好去處 #境外遊 #駐站作家 #日本旅行 #日本自由行 #日本旅遊攻略