Urban Cafe📍旺角兆萬中心

呢次應該係第三次去貓咪Cafe~ 姑姐就生日比個驚喜佢 去摸下貓影下相放鬆下 4個人3個選擇困難既揀4人餐$612就最好不過 沙律x4 南瓜湯x4~唔錯少少甜，有d南瓜蓉 加左$48要滋味四人小食拼盤 超級大份～如果細食人士叫前諗諗😂唔係要打包先掂 包括：酥炸雞翼、唐揚炸雞、薯條、洋蔥圈～有沙律醬＆茄汁 雞翼好大隻，咬開有肉汁，炸雞粉漿厚薄ok，薯條外脆內軟條條都好長，洋蔥圈最驚喜，洋蔥甜甜地。 溫泉蛋煙肉野菌卡邦尼扁意粉 我地既食法一定係拮穿隻蛋撈勻食 扁意粉好掛汁，口感唔錯，煙肉都比得幾大方 原條鰻魚明太子忌廉扁意粉 呢個好有誠意，長過手掌，明太子再多d會更好 西班牙燒烤醬黑毛豬肋骨 醬汁惹味～黑毛豬肋骨食落好juicy ，幾易咬開，配薯條正呀！ 安格斯牛肉手工漢堡配薯條 漢堡扒都幾厚～有牛味咬開有肉汁，有沙律同薯條 今晚好多薯條，食左3次，好彩大家都鍾意😂超級飽 飲品：凍意大利焦糖咖啡＆凍意大利棒子咖啡 兩杯都幾大杯～咖啡香濃，焦糖同榛子味都幾突出 檸檬茶同咖啡一樣大杯，茶底濃檸檬四大塊👍 熱伯爵茶鮮奶～伯爵茶味濃～唔落糖都唔錯 環境都幾舒服，座位都好寬敞，入嚟前要套鞋套先好入去呀～貓貓會不停係枱底穿梭～跳上枱或者係度打架，最搞笑貓咪們開大會聚晒係度～鍾意貓貓們既你你你～記得嚟同主人們影下相～抱唔抱到就睇下你好唔好彩😂