Check-in送飲品嘅東京酒店

地址－2-29-14 Asakusabashi, Taito, 秋葉原, 東京, 東京, 日本, 111-0053 環境／設施－乾淨空間足夠打開兩個26吋行李 特色－配合環保打掃方案送飲品🥃🥤 呢一間酒店位於東京淺草橋站嘅附近，我哋喺呢一度住咗九晚，櫃檯嘅同事大部份都識英文，check-in嘅時候仲會好詳細咁同你講有啲乜嘢服務，同埋最緊要嘅係佢哋有環保打掃方案，即係如果你唔需要每日換床單嘅話，佢哋會比一啲飲品自動販賣機嘅銀仔俾你拎嘢飲，咁我哋的確唔需要每日都更換床單，所以就配合佢哋呢個方案，用佢哋嘅自動販賣機每朝一支咖啡或者茶都算係一個唔錯嘅早餐☕️😄 房間大致乾淨浴室設備應有盡有例如沐浴露洗頭水牙杯等等，仲有一個浴缸俾我哋浸浴；房間空間足夠打開兩個26吋嘅行李，商務酒店嚟講算正常偏大，仲要有一張枱俾我哋用嚟食宵夜或者工作下文件添。 酒店有一個大浴場，但係唔算太大，行完街攰嘅時候可以去浸下，順便沖埋涼，都算係一個唔錯嘅休息舒緩嘅方式！ 酒店地址鄰近秋葉原，用行嘅話大概10分鐘就去到，但係如果係想去富士山或者輕井澤呢啲近郊地方，就要先坐車去到新宿，或者東京站先可以坐到新幹線或者富士回遊，相對嚟講係冇咁方便。但係如果只係想喺東京市區行吓街呢一間酒店都值得推介，一晚好似都係四百幾蚊，大浴場俾人浸，下次各位來東京嘅時候都可以試吓！ #東京酒店 #旅行 #東京自由行 #東京 #抵玩酒店 #淺草橋 #秋葉原