地雞料理 山內農場

#日本旅行 #日本菜 #日本料理 #炭火地雞 #foodie #境外遊 去日本除咗食燒肉外，地雞料理係另一個好選擇。 其實香港都有塚田農場可以食到，但質素冇在當地食到咁好。 今次我介紹另一間地雞料理-山內農場。 同塚田農場一樣都係食地雞料理。 去食地雞一定要點炭火燒地雞，佢雞肉帶點炭火香味，雞肉帶點彈性不會過熟，加上胡椒鹽，令味道層次增加咗，好正。跟香港塚田農場比，你會覺得香港的比較熟咗d，同嚡咗d。 另外叫咗馬肉刺身同雞肉刺身，這兩樣係香港都應該唔會食到，我覺得口感唔錯。 首先，馬肉刺身加上少許薑蓉，蒜蓉同蔥，配上少少豉油，我覺得這些配搭食馬肉刺身是絕配。 而雞肉刺身本身加了柚子醋作調味，加上表面有少許火炙，令雞肉有少少燒烤味，味道層次又增加咗。 所以大家下次去日本除咗可以幫襯塚田農場外，山內農場亦係另一好選擇。