坐得舒服、食物高質火鍋🍲🥢

尋晚同朋友去咗一間新發現嘅火鍋店，呢度真係好坐得舒服，間隔寬敞，配埋柔和嘅燈光，感覺好chill。宜家仲有特別優惠，Follow佢哋嘅Instagram同埋Share個Post，就可以揀指定4款火鍋湯底免費，或者精選火鍋湯底半價。我哋當然唔會錯過呢個機會，揀咗免費湯底嘅胡椒豬肚湯🍲 胡椒豬肚湯一上枱就已經聞到撲鼻嘅胡椒香，豬肚同胡椒嘅味道夠濃郁，入口嘅時候有陣陣嘅溫暖感，真係好正！ 我哋仲嗌咗美國特級牛小排（中）$238，牛小排切得薄薄的，易熟、入口即化，肉味濃郁。 呢度有一個好好嘅地方，就係大部分食物都可以揀半份或者全份，兩個人食嘅話嗌半份就夠哂，可以試多幾款嘢，非常有彈性。我哋就試咗幾款特色食材： 🥢鮮鮑魚仔$38/隻：鮑魚好新鮮，放落湯底煮幾分鐘就啱啱好。 🥢桂花蚌半份$68：桂花蚌肉質鮮甜，口感爽口，煮完仲保持住鮮味。 🥢手打墨魚丸半份$58：墨魚丸Q彈。 🥢自家韭菜水餃🥟半份$38：韭菜餡料香味十足，皮薄餡靚。 🥢魚皮餃$38：魚皮餃口感特別，魚味濃郁，又唔會太油膩。 🥢即炸響鈴$68：即炸響鈴真係脆卜卜，配埋湯底一齊食，口感豐富。 🥢油麥菜$38：油麥菜係火鍋嘅好拍檔，清新爽口，平衡一下重口味嘅肉類同海鮮。 飲品方面，我哋叫咗雪碧同可樂，$18/罐。最後甜品有椰汁糕及雪耳桃膠。火鍋醬料係$28/位，可以自助攞各式各樣嘅醬料，配搭出自己最中意嘅味道。 呢間火鍋店真係值得一試，無論係湯底、食材質素定環境，都有水準。而且價錢合理，尤其係半份嘅選擇，真係好方便。 📍九五至尊火鍋狗毛 尖沙咀寶勒巷26-36號華寶大廈LG樓 #尖沙咀火鍋 #hotpot #hotpotlover #火鍋 #高質火鍋 #打邊爐 #邊爐控 #尖沙咀美食 #香港美食 #肥牛 #hkeats #tsimshatsui #yummy #yummyfood