秋冬暖笠笠烤魚打邊爐

同朋友喺元朗覓食,當日啱啱係近來最凍又落雨嘅一日☔,所以好想食熱嘢🔥!!!經過呢間漁師兄聞到好香,於是就入去試下佢啲烤魚🐟~ 間店好新好企理,仲有好多漁網做佈置,而燈罩就係捕魚籠,好有心思💖!店員姐姐推介話可以試江團魚或者海鱸魚,因為海鱸魚比較常見,就試下江團魚啦~ 其實我唔太食得辣...但我又好鍾意麻辣味嘅嘢,所以就叫咗小辣🌶。上檯都幾多紅椒,有少少驚🤨...但好彩食落口麻多於辣,而且個湯底滾起時會推開啲紅油,所以可以洗一洗再食。佢嘅湯底係魚湯,所以好鮮甜,魚肉都幾嫩滑😋~ 另外仲加咗啲配菜,佢啲食材都好新鮮,而牛栢葉切得幾大塊,但記得唔好煮太耐呀!豆卜就吸湯一流,但同時會吸好多辣油🌶。油麥菜好乾淨好新鮮,樣樣都18蚊都幾抵👍,尤其係牛栢葉,都幾大碟。 佢嘅燒物都好出色,而且可以選辣定唔辣。我本身都好鍾意食麻吉呢款丸🥰,估唔到燒咗仲好食!裏面煙煙韌韌,外面就燒得好香。 喜歡大漠風味嘅應該會喜歡呢個燒大葱雞肉🏜,因為有好重孜然味。呢個因為夾辣味,所以點咗小辣。大葱燒過後變得更香,但中間仍然保持又嫩又多汁🍢。 燒雞腎真係燒物中最大推嘅💯!我本身都好鍾意食雞腎,燒咗幾雞腎好爽口,加埋少少辣味真係一流。其餘仲有燒雞中翼同燒日本一口蕃薯都唔錯~ 食咁多辣嘢,一定要叫返啲嘢飲。朋友杯紅西柚綠茶好足#火鍋 ,有唔少果肉喺入面🍊,而我杯荔枝紅茶就好多啲啫喱條。而且佢一杯勁大杯,咁嘅份量先夠食咁多嘢嘛! 雖然呢間店專攻烤魚同邊爐🫕,但我覺得佢哋嘅燒物亦都好出色。下次想打邊爐又想食魚的話,元朗呢邊又多一個選擇啦~ 📍漁師兄 元朗安寧路25號鴻運樓地下4號舖 #foodie #本地遊 #元朗 #元朗美食 #烤魚 #打邊爐 #火鍋