珠海長隆海洋王國x 宇宙飛船x 橫琴灣水世界，三日兩夜精華遊！

係trip.com book咗三日兩夜既珠海長隆馬戲酒店，門票包咗二人三日無限次進入海洋王國同宇宙 船，另外仲有張水世界嘅門票，有$200酒店飲食 消費券，同橫琴馬戲團表演票兩張 第一日:個關後中午左右check in,大約一點左右到，因為有房所以唔使下午三時回來拎房，之後就直接去海洋王國玩啦，星期日大部份嘢都唔洗排，基本上想玩嘅嘢都玩左，未玩都唔緊要，仲有兩日！玩到夜晚大概6:30左右就行去長隆橫琴馬戲睇表演！如果要自己俾錢買門票入去睇應該唔會，因為酒店包埋所以 睇，唔算係特別好睇，成個馬戲表演入面得最後面好睇！ 第二日： 第二日就入咗去宇宙飛船睇吓有啲咩玩，入面影相好靚好多嘢睇，但係遊樂設施就相比起海洋王國就梗係冇咁多野玩，推介睇吓百慕達表演，因為最好睇，感覺好似真係坐喺船上面咁！其他嘢都唔係太需要排隊，所以都大部份嘢玩晒，同埋影咗好多靚相！宇宙飛船夜晚六點就差唔多閂門㗎啦 ！咁就可以去海洋王國睇巡遊同埋煙花！巡遊就6:45，煙花就 7:00煙花好創新，不過應該睇一次就夠！如果好喜歡嘅話，當然睇多幾次都得嘅！夜晚就去咗長隆馬戲團自助餐食自助餐，食物就普通，但係帶子同埋啲魚好食，點心包因為有動物貪得意就叫，佢嘅自助餐唔係就咁放晒喺度，你行到埋去叫佢俾你，佢才俾你，另外有啤酒！因為嗰$200消費飲食券係可以用喺自助餐，所以即係兩個人一共比多咗$200就可以食到啦！另外佢個消費飲食券只可以喺酒店入面用，所以都冇咩好多地方用！$200兩個人嘅自助餐嚟講就真係唔差！ 第三日: 最後一日起身就退房先，然之後就準備好啲泳衣拎去寄存，咁我又入返去海洋王國玩返晒其他我冇玩到既野，大家就唔使預咁多時間入水世界 ，水世界應該就兩個鐘內玩哂！去完海洋旺角返返去酒店拎返啲泳衣，跟住就可以去水世界，水世界咩都有有毛巾同拖鞋，不過拖鞋就唔可以着出更衣室嘅，如果要着出更衣室就記得自己要拎啦！佢水世界唔係好多嘢玩，有三條滑道得一條開，之後佢有個水⼂就寨都係開咗一條滑道，但係身高接近180呢就係唔可以玩水寨，跟住另外有個人造沙灘，但係佢個沙灘度坐完之後隻腳比野咬唔知係咪有蝨，佢個漂流河就冇開！另外就有按摩池，水溫都唔錯，可以坐好耐！ 跟住佢哋室外仲有造浪池，同埋游泳池，不過都冇乜嘢玩，如果做浪池想要玩鴨仔嘅話要比$75租，同埋可以睇私人海豚，因為冇咩人海豚就任你影相啦！ 當然如果有耐性，可以等佢哋嘅海豚學習班，不過就真係未必玩到幾個鐘！去完水世界之後我哋就返屋企啦！ 酒店:佢酒店基本上咩都有有小朋友都唔使，我哋係兩個成人去，但係佢都照比小朋友床我地，即係雙人房除咗係兩個人嘅床之外，仲有多一張小朋友床，佢另外好多嘢都有小朋友配套，所以一家人去我諗應該都唔使太擔心！酒店有行李寄存同埋態度超級好！服務人員清潔間房非常仔細！想比佢哋啲貼士佢哋仲唔收！真係值得推薦可以嚟玩！我美國朋友話似係廉價版嘅迪士尼！😂#親子好去處 #週末遊 #珠海 #境外遊 #珠海長隆海洋王國 #三日兩夜