$500一晚 可能係珠海最正 性價比最高 嘅酒店 The St Regis

#珠海酒店 #報名酒店試睡員 二月份的某個星期一，我由香港乘搭機場巴士到港珠澳大橋，然後轉乘金巴前往珠海，由港珠澳大橋站出發到珠海大概40分鐘車程，到達珠海之後乘坐的士大概10分鐘左右到達the St Regis Zhuhai。 到達酒店的時候，服務員便很熱心地幫我們開車門，然後問我們有沒有行李，然後我們上了42樓的Check In counter 辦理入住手續，入住手續的職員都10分友善，還把我的房間升級了，然後講解酒店的設施和早餐的時間，之後便上房了。 今次入住的房間在45樓，景觀是望住澳門半島，可以看到新葡京，還有澳門塔等風景，雖然今天天氣不是太好，但是晚上的時候在房間裏看着澳門的夜景，都是10分漂亮的！ 房間方便，面積大約六百幾呎， 10分大，用咗好多雲石去裝修，唔會覺得好老土，而且會有一種好靚好有氣質嘅感覺，特別鍾意浴缸嘅位置，可以一路睇住電視，一路望住澳門嘅風景，真係非常之寫意！ 酒店有一個戶外泳池，但現在沒有開放，還有一個室內的恆溫池，泳池水溫度適中，就算我去當天係17度左右都好適合游水！而且游泳池有一個暖水按摩池，非常之舒服！而且男女更衣室入邊都有蒸氣室還有暖水的按摩池，我當天去的時候人客不是好多，基本上都可以獨佔享用男更衣室！體驗真係超正！ 早餐方便到早上10:30 ，位於41樓嘅餐廳度食早餐，早餐種類非常之多，甚至有豆腐花，綠豆粥，雪糕，同埋一啲大路嘅嘢食，仲有即叫即整嘅pancake，仲有一啲蝦餃，同埋一啲中式包，整體嚟講味道中規中矩，唔算好好食，但都唔難食，但我好欣賞佢飲品種類好多，尤其係有鮮榨嘅橙汁同埋青瓜汁！而且員工都10分有禮，有提點我哋早餐就嚟完結，而叫我哋攞多少少嘢食！ 房費方便真係超級抵，點解我話房價係$500呢？因為今次我用咗AE細頭白金卡去訂酒店，由於我去嘅時候係星期一，同埋可能係淡季，放假只係$1300 ，由於我用AE白金卡package 去訂,所以包咗100美金消費額，計返人民幣就係$710左右，仲有遲check out到四點，仲有包早餐，仲有免費升級添，當然都要睇返當日酒店嘅入住率而睇吓升唔升到級，講返嗰$800點用先，本身我就諗住喺房度叫嘢食，但選擇種類真係唔多，所以我就去咗附近嘅地方飲茶，由於只係去一日珠海，所以晚餐我都冇喺酒店度食，最後呢$800攞咗嚟食酒店嘅新春下午茶套餐，味道都唔錯，但影相打卡就更加正🤣 所以整體來說，我真係覺得今次嘅入住體驗超級正！ 尤其係幫我check-in嘅職員Levi 超細心 幫我解決咗好多問題，真係謝謝你！特別多謝酒店幫我安排紀念日嘅佈置，好靚🫰🏼👍 如果將來有機會再黎珠海，好大機會都會再入住呢間酒店，同埋值得一提嘅係呢間酒店好出名嘅管家服務真係好正，廿四小時都可以攞牛奶，同埋奶茶或者茶俾你飲，仲有可以幫你解決好多問題，今次我就叫咗佢幫我開水，開個泡泡做沖涼，真係非常貼心👍