https://hk.trip.com/moments/poi-cheung-fat-plaza-51833987/
刺激味蕾滑滑酸菜魚
📍魚眾不同酸菜魚 (長發廣場) (青衣)
青衣担杆山路6號長發廣場3樓317號舖
之前冬天黎過呢度食過花膠雞米線覺得唔錯,今日放假就同隊友黎食佢個招牌菜酸菜魚,呢度地方闊落,裝修落過心機,屋村商場黎講佢都幾落本。
食物方面除左招牌既酸菜魚之外,仲有炒飯同港人最喜愛既火鍋。而我地今次叫左兩款唔同辣度既一人份系列同兩杯特色飲品。驚辣嘅可以唔食辣都得㗎!
青花椒酸菜鱸魚薯粉-每個一人可免費揀兩款菜,呢個我揀左娃娃菜同萵筍,啲菜索晒啲湯汁入晒味,鱸魚好滑好好味,薯粉彈牙得黎唔會咬唔爛。
老壇酸菜牛肉米線-而呢個我地就揀左大豆牙同金針菇,份量都幾多,有好多金針菇,成碗都係餸,驚辣嘅可以唔食辣都得㗎!
菠蘿梳打特飲/鹹檸七-食完辣嘢,飲返杯凍飲,消暑又解辣。
#報名酒店試睡員
#foodie
#夏日搵食推介
青衣正宗泰北菜
📍 泰然 (青衣)
青衣担杆山路6號長發廣場地下114B號舖
青衣既泰然坐得舒服又唔迫,仲非常抵食。我地叫左個泰式豬手飯配月亮蝦餅同西米糕,蟹肉炒飯配雞翼同奶茶凍,再追加左個椰汁冰同芒果芝士沙冰。主食小食甜品野飲有齊晒,食完真係勁飽,個豬手飯勁多豬手,仲非常淋滑,炒飯炒得夠乾身,仲勁香蟹肉味。我地最鍾意佢個月亮蝦餅,爽脆彈牙。
#本地遊 #香港美食 #夏日搵食推介 #foodie
《長發廣場免費兒童遊樂場》
響過去咗嘅週末,媽媽同豬仔包參加咗一個親子街市體驗活動 ,活動地點響青衣長發廣場同青衣市場內進行。
由於早到,所以響活動未開始前,媽媽同豬仔包響長發廣場周圍逛,意外發現咗二樓有一個戶外嘅免費兒童遊樂場,豬仔包當然急不及待衝咗去玩🤣
這個兒童遊樂場嘅設施同《+WOO嘉湖樂園》有點相似,滑梯是船⛴造型的,不過船舵不是在船上,是在另一旁,仲會發聲添,岩哂豬仔包🤭
遊樂場有一個裝置媽媽覺得好特別, 首先要人手轉動發電,有足夠電量🔋,遊戲就會開始。
遊戲有4️⃣關,全部以拍燈🟢考驗小朋友反應同速度,起初有其他小朋友同豬仔包一齊合作,好輕易過到第一同第二關,不過就過唔到第三關。到後來豬仔包回頭玩多次時得佢一個,連第一關都過唔到😅,唔知有冇小朋友可以成功過哂4️⃣關呢🤣
#親子活動 #親子 #假日好去處 #兒童遊樂場 #免費 #長發廣場 #青衣街市 #青衣 #青衣好去處 #做任務 #全職媽媽 #4y2m #豬仔包の開心日常
青衣性價比高嘅新加坡菜餐廳!
玖子茶
今次嚟到青衣長發廣場新開主打新加坡菜嘅餐廳,入面天花板掛滿好多燈籠好啱打卡,仲播住以前兒時流行曲,食物選擇又多,價錢算平,店員掂呼又好,係一間性價比幾高嘅新加坡菜餐廳!
1.麻辣口水雞 配油飯&雞湯$63+芒果乳酸梳打$15(凍)(原價$26)(8.5/10)
呢個麻辣口水雞配油飯勁正,油飯上枱未食已經聞到好香,口水雞大約有10件,每件肥瘦適中又嫩滑,而且無骨,湯湯唔咸仲有冬瓜喺入面,加配飲品仲有優惠添!
芒果乳酸梳打勁大杯,入面有少少芒果肉有驚喜!
2.馬來咖哩炸雞飯(多汁多飯)$55+玖子茶原味奶茶$15(凍)(原價$24)(9.5/10)
炸雞外皮炸得好脆,做到外脆內嫩滑,即時炸到熱辣辣,咖哩汁唔算辣, QR code落單仲可以揀多汁多飯,加配飲品仲有優惠添!
玖子茶原味奶茶勁大杯,奶味重,茶味唔濃,如果兩邊平衡較好!
3.沙嗲串燒(2串)$29(9.5/10)
有2串牛肉沙嗲串燒,牛肉嫩滑唔韌,沙嗲唔算好辣,如果花生醬味出d更好!
4.鮮油咖映多士$29(10/10)
有4塊鮮油咖映多士,每塊都有勁大塊牛油,食落有甜甜地嘅咖映,勁好味!
2人總共價錢$206
個人口味總評分:9.375/10
@tehjiuzi
地址:青衣担杆山路6號長發廣場2樓213及215號舖
Please follow me🙆♂️ @wheelchaireatinhongkong
如果鍾意我嘅分享,麻煩請follow我,仲有記得Like同Share!🙏🏻🙇🏻♂️
#玖子茶 #青衣 #青衣好去處 #青衣美食 #荃灣美食 #星加坡菜 #相機食先 #香港美食 #平民美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名郵輪試坐員 #報名酒店試睡員
青衣長發廣場|性價比泰菜
其實平時好少去青衣呢邊,不過約咗個Friend佢咁啱要去呢邊拎嘢俾人,所以順便搵吓呢到有咩好西啦!
因為呢邊唔係青衣城,係屋邨商場嗰類,第一次見好多都係連續快餐店,以為冇咩嘢好食,最後搵到有呢間泰國菜,之前未見過,一場嚟到,當然食啲未食過嘅嘢啦!🤭
因為我同朋友都唔食海鮮,好彩呢到有用雞絲炒嘅金邊粉!🤩 味道仲要炒得好好食😍😍 (出面好多都係用蝦炒又唔俾轉其他🥲)
仲叫咗個必食嘅馬拉盞通菜🥬 呢個特別啲唔係炒,佢係通菜煲連豬頸肉~🐷 都幾好一次過食晒兩樣嘢😆 唔洗額外叫多碟肉👍🏻
酸辣無骨鳳爪,酸酸甜甜,味道適中👌🏻 要提一提個燒菠蘿🍍好有驚喜🤩 估唔到$32係好大舊!食完超飽🤣 而且係舊舊都好甜㗎🥹🙌🏻
最後甜品 我哋叫咗椰汁千層糕結尾😋 煙煙韌韌 有椰香之餘重點係唔會太甜👍🏻
叫埋兩杯嘢飲埋單先$300幾😂😂 性價比絕對OK👍🏻 食物水準🉐🉐🉐 所以說屋邨商場都會覓到好西啊!🤤
📍泰然
地址-青衣担杆山路6號長發廣場地下114B號舖
環境/設施-⭐️⭐️⭐️⭐️
特色-⭐️⭐️
人均價格-HK$150-200
評分-⭐️⭐️⭐️⭐️
#foodie #hkfoodie #泰國菜 #青衣美食