- 親子活動
- 假日好去處
- kidslife
- hkmomlife
- hkblogger
- hkmum
- 復活節好去處
- mameshare分享有獎
- 親子行山
- 初級行山
- bb行山
- 離島好去處
- foodie
- 親子好去處
- 行山
- 這裏看夜景超靚
- 海邊拍攝攻略
[ 親子好去處] 平行時空 的街道+遊樂場+隱世沙灘
[ 親子好去處] 平行時空 的街道+遊樂場+隱世沙灘
5/4/2021
我哋去咗一個 寧靜小島 ~ 馬灣 ,距離港鐵站只係15分鐘車程, 交通方便 ,而且冇長洲咁爆多人。
今次分咗上下半場玩,玩足一日,放哂小朋友嘅電。
上午,我哋去咗行山,今次真係簡易行山 ,來回唔使一小時。連小朋友都話好易行,因為佢哋平時行開都算多樓梯,路程又長。
段路大部份都係上斜石路或泥路,有些樓梯,但不多樓梯,沿路亦會時常見到 青馬大橋 ,而且景色開揚。
到達 隱世沙灘 ,但落去要踏過小石頭,年紀小嘅小朋友可能不宜落去,其他人記得要注意安全啊~但個隱世沙灘已經唔再隱世,超多人,而且好多垃圾。真係 自己垃圾自己帶走 !!之後沿路折返。
路線:
入口喺馬灣足球場旁,橋地右方有條泥路。
沿路直行至分义路,左邊係竹林,右邊上山,揀右邊行。
直至另一分义路,左邊落山去隱世沙灘,右邊上山。
我哋揀咗左邊落沙灘。
後記:
沿路有兩個位置有櫈供休息,沒有廁所。
但入口處附近足球場嘅隔離有個公廁。
康文署已經開放部份泳灘, 馬灣東灣泳灘 係其中一個,我哋係依個泳灘玩自家製 egg hunt 。
小朋友第一次喺泳灘玩egg hunt ,超興奮~
上年因疫情,孖媽喺屋企同小朋友自己玩egg hunt。
之後我哋去咗土耳其餐廳感受異國風情 。
我也可暢遊異國放心吃喝
食物質素很好,但店內面積較細,而且沒有high chair,唔算係一間親子餐廳,較適合倆口子去。
如果帶住小朋友,建議可以去 挪亞方舟酒店食,價錢合理,食物質素也不錯。
下午部份,我哋開始進入平行時空 。
我哋先去 石仔灣碼頭 看海,感受 漁村風情 。
順路行去 芳園書室 ,係馬灣唯一被保留嘅戰前小學,係香港三級歷史建築。
書室係一座樓高兩層嘅長方型建築,揉合中西建築風格。
現時書室只開放地下果層,展示馬灣嘅歷史,包括漁船模型及天后誕花炮等等,並且設有互動遊戲(但現在暫停開放此部份)。
門外有個小模型,展示屋頂設計。
小朋友對個模型好有興趣。
跟住去咗位於附近嘅 馬灣公園古蹟館 ,展出咗清朝古窰(製作陶瓷之用)同埋唐代窰爐遺跡。
讀萬卷書不如行萬里路~
帶小朋友四出走走看看,除咗可以放電外,又可親身學到新知識。
走回芳園書室附近嘅鐵絲網圍欄嘅路,向前行,然後轉左行去 馬灣舊村 。即 馬灣大街 和 天后廟 附近。(跟指示牌行去天后廟就到)
滿街腳步突然靜了~
滿天柏樹突然沒有動搖~
一個荒廢了嘅村落 ,擁有200年歷史 ,充滿著平行時空之感,彷彿不存在這時代。
轉街過巷就如滑過浪潮~
聽天說地仍然剩我心跳~
聽芳園書室嘅職員講,村落會係復活節後清拆。但上網查又查不到資料。
不過當日已見到村屋已被圍住。
之前一直都好想去,慶幸可以係清拆前遊覽依個咁特別嘅地方!
(如果大家去開馬灣,可以順道去看看清拆咗未)
村內嘅荒廢遊樂場,背後有些塗鴉背景嘅建築物,我哋好似去咗另一國度遊玩。
而 馬灣公眾碼頭 旁有個 真正嘅 隱世沙灘 ,冇乜人,小朋友堆堆沙,玩得非常開心。
今次依個平行時空之旅非常特別, 打卡 滿足大人嘅慾望 ,玩遊樂場和堆沙,小朋友最開心。
下次再嚟,依度可能已經被清拆咗。
其實馬灣真係一個好值得同小朋友嚟遊覽嘅地方,玩一日都未玩哂。(但記得要保持地方清潔同埋保持安靜,唔好影響居民啊)
上年我哋仲去咗 馬灣公園 ,有興趣可以睇返之前嘅介紹~
#親子活動 #假日好去處 #kidslife, #hkmomlife, #hkblogger, #hkmum, #復活節好去處 #mameshare分享有獎 #親子行山 #初級行山 #bb行山
#離島好去處#foodie#親子好去處#行山#這裏看夜景超靚#海邊拍攝攻略
Little twin stars 龍鳳寶寶
32
馬灣公園除咗花草樹木,仲有唔少趣緻而且色彩繽紛的動物裝飾和壁畫,一條小小的山路,不需太費力,就能夠遠眺對岸的青馬大橋,空間廣闊,令人有放鬆感。
馬灣公園附近有間海邊餐廳,Harvest Beachside。有個泰式小食連兩小時無限暢飲套餐。無限暢飲有珍多冰、泰式龍眼冰、青檸梳打及多款泰式日式啤酒。喜歡飲啤酒可以盡情飲小食有泰式沙律、炸豬皮、蝦片、春卷及蝦餅等每人約$200多。吹著海風望住青馬沙灘海景,感覺非常好。
nice beach and the night view here is amazing!!I went to noah ark too!there’s many activities suitable for family gathering and I ate high tea too !very decent place!
馬灣公園通識學園是最適合親子活動的主題公園,園內有很多戶外大自然模型及藝術裝置,園內的步道可貫通多個觀賞點,是假日好去處。
馬灣公園是香港的一座主題公園,位於新界荃灣區馬灣南部及馬灣島中部,佔地約187萬平方呎。公園由新鴻基地產興建及營運,馬灣主題公園是繼香港海洋公園後的第二個本地主題公園,設施齊全風景秀麗,且有很大的教育意義,很適合一家大小共同遊玩。
歡天喜地過大年。男女老少熱鬧非凡。敲鑼打鼓慶祝新年。棒棒棒一級棒。有空一點都要去感受一下這個奧。大力推薦一下奧。