秩父住宿推介

旅遊去東京🇯🇵都想去下郊區，但又唔想走太遠，秩父係一個唔錯既選擇，第一次嚟秩父，唔太熟識，就揀左呢間Comfort Stay Miyabi🏢，距離西武秩父站🚉大約十分鐘路程(其實由御花畑站去比較近)，由車站跟地圖行🗺️，沿路發覺都係住宅區，有少量餐廳、商店，比較寧靜；酒店附近有便利店，而走路約十鐘路程更有一大型商場YAOKO🏬，有大型超巿及食店，十分方便👍🏻 酒店外型似一般商務酒店🏢，簡單撲實，職員可以簡單英語溝通，酒店內有免費茶及小食提供🍵；房間內部方面，一進門後玄關位置分別有浴室、洗手間及簡單廚房，備有鋅盤、雪櫃及微波爐，可以於便利店購買食物回來翻熱作宵夜，十分方便；再拉門進入房間，有一大床、電視、桌椅等，舒適簡潔，冷氣亦十分足夠，整體不錯，價格亦相宜；車站旁有温泉館，酒店後方走路大約十分鐘就可以到著名景點羊山公園逛逛🏞️，遇上櫻花季🌸或芝櫻季的話，真的可以待上大半日呢，這家酒店可以作為旅程中一個不錯的中途休息站。 📍Comfort Stay Miyabi #日本 #東京 #秩父 #境外遊 #酒店推薦