旺角高質日本店之鳴門漁市場居酒屋

喺旺角見到呢間鳴門漁市場居酒屋做緊外賣自取優惠所有嘅熟食沙律均有八折，而所有嘅刺身壽司外賣自取仲有半價添，所以點選左一份沙律同埋一份炸物小食。亦一口氣叫多左兩款刺身同埋十件壽司。 炸魷魚配他他汁：自家秘製嘅他他醬汁，呢度魷魚即叫即整，魷魚外面卜卜脆，炸粉唔太厚，咬落彈牙兼爽口，加埋酸酸甜甜嘅醬汁，變得更加好味。 牛油果軟殼蟹沙律：牛油果新鮮清新，生熟度適中，仲有清爽怡人嘅沙律菜，仲有主角嘅酥脆軟殼蟹喺沙律上，廚師亦細心咁將其切開數件，再配埋佢哋呢度嘅特製酸甜嘅沙律汁，令人格外開胃。 刺身壽司依家佢哋外賣自取有半價，所以一口氣叫左兩款刺身同埋十件壽司。 刺身叫左三文魚刺身同埋赤海蝦刺身，前者油脂分泌非常均勻，而後者蝦身好大隻，鮮味又爽口，好滿足。 而壽司方面呢次就揀香港人鍾情嘅三文魚壽司，充滿火炙香味油脂甚豐嘅火炙左口魚邊壽司，咸鮮味突出，口感一流嘅三文魚籽壽司，鮮甜爽口嘅甜蝦壽司，油香滿溢嘅鵝肝壽司，最後係入口即化，令人一食上癮嘅吞拿魚腩壽司，佢哋用料上乘，樣樣魚生都係無比嘅新鮮。 #likes #likesbackalways #likeback #followbacknow #likesforlike #follow4followback #followforfollow #tagsforlikes #folloebackinstantlyu #wwhkfood #ufoodhk #delicious #yummy #hkfoodie #foodporn #hkfood #foodie #foodporn #foodlover #foodkiller #foodpics #ufoodphoto #hkig #foodphotography #美食 #相機食先 #食好西 #吃貨 #photooftheday #大口仔在旺角 #foodie #為食鬼