荃灣好正酸菜魚

麻辣風雲對我來講係一間好特別嘅餐廳，因為我同男朋友相識第一日就去咗呢間食晚餐！ 餐廳裝修都保留住中華特色，最搶眼嘅當然係位於餐廳嘅中心嘅《 掂 》字！ 🍡菊花蜜 HK$48 菊花蜜用古代嘅酒埕去盛載，飲咗啖覺得比較爽口唔甜，食咗咁多辣野飲番杯感覺好清涼，喉嚨亦都好舒服！ 🍡酸辣土豆絲 HK$88 土豆絲今次揀咗小辣小酸，味道都係帶酸味多於辣味，啱晒我呢啲唔食得辣嘅人，而且酸酸地好開胃！ 🍡辣子雞 HK$148 辣子雞炸到好香口，有辣既香氣，但稍為乾身，但脆脆地咬下咬下有幾過癮！ 🍡炸饅頭 HK$58 炸饅頭應該都算得上係呢間餐廳嘅招牌菜之一，由上菜的呈現方式，一架掛著麻辣風雲大旗的大船裝住6個炸饅頭，配合埋乾冰的效果！到口感，炸饅頭點少得煉奶，外皮炸到黃金色，而內裡則軟綿綿，不愧係餐廳既招牌菜！ 🍡酸菜魚 HK$268 個魚好滑，湯底帶酸，微微帶辣，而且酸菜魚都有好多材料，仲有寬粉係最底，真係唔怕你唔飽！唯一覺得要改善嘅地方係真係魚骨太多，食嘅時候真係要小心！ 🍡香辣蒜蓉粉絲焗蜆 HK$148 粉絲吸收晒蒜蓉嘅香氣，亦都煮得好淋，唔會太乾身，湯汁都保留到蜆嘅鮮味！而且完全冇死蜆，隻隻蜆都打開好新鮮！ ✨如果大家都鍾意呢篇文章嘅話，唔知可唔可以按個like呢🤗 🔸🔸🔸🔸🔸🔸🔸🔸🔸 🍽 麻辣風雲 📍 荃灣 💰人均消費: HK$ 400 🕊餐廳傳送鴿： @spicy_restaurant_hk 🔸🔸🔸🔸🔸🔸🔸🔸🔸 #ivykomenu #hkfoodie #foodiehk #foodie #hkblogger #hkfoodblogger #hkfood #hkfoodlover #hkfoodstagram #hkigfood #hkeat #hkinfluencer #hkkol #hkrestaurants #香港好去處 #食好西 #香港美食 #食評 #手機食先 #香港餐廳 #餐廳推介 #tsuenwan #tsuenwanfood #荃灣 #荃灣美食 #川菜 #酸菜魚 #麻辣 #香港打卡 #打卡餐廳 #foodie