沙田凱悅酒店中菜廳 ～ 沙田18😋

趁住假期去沙田凱悅酒店住一晚， 夜晚去咗酒店嘅中菜廳「沙田18」晚餐。 呢間中餐廳之前去過，印像都唔錯。 今次叫咗椒鹽鮮魷、 東莞炒米粉、沙田炸乳鴿、三鮮煎鍋貼； 甜品就叫咗焗蓮蓉西米布甸 和焗黑芝麻湯圓酥皮批。 椒鹽鮮魷和東莞炒米粉水準出色， 椒鹽鮮魷炸到外脆內軟， 先有鮮嫩無比； 東莞炒米粉， 炒得香口； 三鮮煎鍋貼， 皮薄餡靚， 十分Juicy; 燒乳鴿正常； 甜品佢哋真係有用心做， 蓮蓉布甸絕不欺場， 蓮蓉餡料份量夠； 焗黑芝麻湯圓酥皮批嘅多重層次感， 外面係酥皮加埋上層嘅菠蘿包皮， 食落鬆脆， 裏包住一粒黑芝麻湯圓， 外面脆卜卜，裏面軟淋淋嘅感覺十分特別， 食落去都好好味， 感覺到廚師係用心做嘅！ 地址－ 沙田澤祥街18號沙田凱悅酒店4樓 環境／設施－ 寬敞 特色－ 衝菜 人均價格－ 晚餐 $400 評分－4.5/5 #夏日搵食推介#最型新年旅行#本地遊#景觀餐廳#浪漫約會餐廳#hotelcation#抵玩酒店