【御‧鮮薈】四人盛😋

始終中菜都係啱我胃口多啲，帶家人長輩去食都比較穩陣，呢間喺荔枝角AEON超市入面，環境都舒適服務要比個👍先 今次食呢個係4人餐，會有八道菜+甜品，當中比較特別係「孔門魚咬羊」，原來係新鮮海花斑魚肚位置釀入免治羊肉，令鮮甜嫩滑魚肉帶有陣陣羊羶味 而「御膳佛跳牆灌湯餃」真係超足料，爸媽邊食邊大讚，湯頭鮮甜濃香，而餃內有齊鮑、參、翅、肚及蟲草花，呢個好好食 另外「去骨黑白胡椒燒鵝皇」，肉質肥瘦適中，仲用咗黑白胡椒做成秘製醬汁去醃製再燒，外層皮脆而鵝肉嫩多汁帶香 最後想講呢款「乾煏金磚馬拉糕」，同平時食好唔同，面頭係焦脆，但內裡係軟綿口感，仲滲出淡淡黑糖味 【御‧鮮薈】四人盛 $988 八道菜及甜點包括： 沙薑豬手拼醬香小黃瓜 御膳佛跳牆灌湯餃 XO醬碧翠炒蘭花蚌 孔門魚咬羊【淮陽浸釀海花斑】 去骨黑白胡椒燒鵝皇 紅茄鮮竹泡菜苗 乾煏金磚馬拉糕 精美甜品 餐廳：御名園 地址：荔枝角深盛路8號碧海藍天AEON超級巿場地下L004號舖 #御名園 #晚巿 #中菜 #hkfoodie #艾迪 #愛食愛玩愛享受