尖東隱世懷舊居酒屋

呢間位於尖東嘅日本菜，光顧嘅好多都係熟客，店員服務態度親切，嘢食質素亦都唔錯。 前菜 $20/位 先食咗碟前菜，清爽野菜加上酸汁，非常開胃。 花生豆腐 $58 將花生絞碎去整豆腐，令豆腐嘅口感更加綿密，除咗有豆香，更加有陣陣嘅花生香味，非常特別。 雞腳筋串 $28/串 用上雞腳筋部位整成串燒，食落有d似雞軟骨，口感爽脆，鹹香惹味。 刺身拼盤 $520 叫師傅幫手執嘅刺身拼盤，必食嘅有當時得令嘅蜜柑鯛，另外仲有深海池魚他他、珍寶帶子、生蠔同劍魚腩。蜜柑鯛係用蜜柑果皮黎飼養，所以食落有淡淡嘅柑桔香味，亦可以點d醋或者wasabi食。師傅刀功一流，薄薄一片切到晶瑩剔透。 深海池魚加咗薑蓉，用紫菜包住食味道口感層次豐富。帶子夠爽嫩，生蠔新鮮，劍魚腩爽口充滿魚油香。 鹽燒A4和牛牛小排 $298 見和牛牛小排做緊優惠就叫咗份。份量唔算多，但牛扒肉質腍嫩，油脂分布平均，中心帶微微粉紅色，火候控制得岩岩好。 沙追魚/粟米/舞茸天婦羅 $68/$34/$34 叫咗3款天婦羅，天婦羅炸得香脆唔油膩，沙追魚裡面軟熟，粟米夠清甜。 鮮蟹肉蟹膏炒飯 $108 最後仲叫咗碟炒飯，滿滿嘅雪白蟹肉同甘香蟹膏鋪喺炒飯上面，撈勻一齊食啖啖都係蟹鮮味，非常滿足。 。 。 沃川自家料理 (尖沙咀) 尖沙咀麼地道75號南洋中心UG5-8號舖 。 。#夏日搵食推介 #境外遊 #週末遊 #foodie #本地遊 #香港好去處 #炎夏好去處 #夏日搵食推介 #hkfoodie #親子好去處 #香港美食 #hkfood