｜觀塘 值得一試 拉麵屋🍜 神山麵屋｜

今日羊先生話有朋友推介咗間食拉麵嘅餐廳，話嗰邊嘅拉麵都幾好食，同埋價錢都尚算可以，所以今日佢教完班之後就帶咗我去附近食啦。✅食完我覺得味道都唔錯，同埋食物份量都算幾好，所以就想介紹俾大家試吓😛 🍜神山沾汁麵 比起湯拉麵，羊先生比較鍾意沾麵。而呢間餐廳沾麵都係主打之一。湯底有豬骨魚介等材料熬成，湯底品嚐起嚟比望落更為濃厚，而拉麵就用咗坑紋麵，所以就更加掛汁。拉麵仲有兩塊厚叉燒，經過炙燒後，仲有微微嘅焦香。雖然係五花肉，但係食落就唔會好油膩 🍜番茄叉燒拉麵 本身我都幾鍾意番茄湯，所以難得見到有蕃茄湯嘅拉麵，就一定要試吓啦。湯底方面係算係比較清新嘅蕃茄湯，所以食落一啲都唔油膩。叉燒就係油脂比較少嘅慢煮叉燒，口感好嫩滑，好滿足 🍚明太子玉子飯 見到呢碗明太子玉子飯，就覺得好吸引，所以就忍唔住試吓。雖然材料好簡單，但係每一啖都好滿足。好滑溜嘅玉子，加上少少辣嘅明太子，再配上飯上面嘅醬汁，一啖擺落口真係非常之好味 🐣神山炸雞配芥末沙律醬 炸雞皮薄，肉質好滑，配上芥末沙律醬，清新得來又唔油膩。都真係幾好食，大家都可以試吓 🦑蒜香魷魚鬚 佢哋嘅魷魚酥都值得試吓，魷魚鬚用咗蒜泥炒香，好有鐵板燒嘅風味。上面仲淋咗少許嘅芥末沙律醬，所以食落味道好豐富。魷魚鬚又好夠彈牙，一啲都唔難咬 🍹梅子青檸梳打 望到個樣以為係鹹檸七，味道都幾清新，酸酸地咁， 好解膩 🍹蘋果焙茶 尼杯蘋果配茶，其實就係類似蘋果茶，甜味唔會話好高，所以都幾好 📍 神山麺屋 (創紀之城五期(apm)) (觀塘) 觀塘觀塘道418號創紀之城五期(apm)2樓L21B號舖 地點：#we2log_觀塘 類別：#we2log_拉麵 #hkfoodie #foodreview #hkfood #hkdining #foodblogger #hkrestaurant #foodpics #foodstagram #foodpornhk #香港美食 #美食 #美食推介 #拉麵 #神山麵屋 #食評 #平價 #平民小食 #食好西 #香港好去處