尖沙咀| 粤劇文化迷你展覽

細細個就成日聽屋企人講啲人做大戲又好睇，又熱鬧🤭一直對粤劇文化都好有興趣，覺得佢哋入面啲嘢好得意😁 前排俾我發現喺香港文化中心入面，擺咗一個迷你展覽，入面展示咗戲棚嘅實景💞戲棚由專門搭棚嘅師傅用真竹搭建而成，以專業嘅綁篾技巧一手一腳將竹棚搭好，再加埋抗水力強嘅紅白藍帆布，富有港式地道風味，而且落雨風吹都唔驚🙂 另外，仲有一個位都好特別，衣箱位中間有模擬更衣室及同廁所，以前戲棚通常都設於位置偏遠地方🤭附近未必有公廁，當演員人有三急，畫上大戲妝後都唔方便走出戲棚，為省時同方便都會喺衣箱附近設置臨時洗手間💓✨ 靜雞雞喺度同大家講聲先，雖然文化中心嗰展覽已經圓滿結束，但嚟緊9月23日-10月8日，中國戲曲節2023壓軸節目「太平處處是優場——維園粤劇戲棚匯演」會喺維多利亞公園舉行。🙌🏻😁屆時維園3號球場會搭建一座大型戲棚，上演多台精彩粤劇戲碼💞🌸宜家已經好少會喺市中心搭戲棚喇😱睽違多年，傳統戲棚將重現維園⭐️ 中國戲曲節2023：太平處處是優場—維園粤劇戲棚匯演已經開始賣飛啦，大家可以快啲去URBTIX城市售票網買飛啦💓