非一般美食廣場🤩

美食廣場一向比人的印象都係食物水平一般，但位於太古坊的現代美食廣場 KIN Food Hub絕對令我有驚喜！KIN Food Hub位置方便，打風落雨都唔怕，設有三百個座位，環境寬敞舒適。KIN Food Hub提供40多個知名的亞洲品牌的菜式，價錢都係百元左右；而且每一道菜皆在中央綠色廚房製造，可持續的食材，能為環境盡一分力，食得更有意義! 🔸(可持續) 海鮮雜錦壽司（14件) $148 海鮮採購自可持續認證既養魚場，減少對海洋生態做成嘅影響！吞拿魚魚味香郁油甘魚爽身鮮甜、三文魚新鮮肥美，真係又環保又好味！ 🔸Potaupho越式番茄蟹肉湯粉 $98 用上番茄同螃蟹煮成的湯底，非常濃郁! 配料好豐富有蟹肉丸、越南香腸和生菜。湯粉係幼身，非常掛湯，食得滋味! 🔸Matchali士多啤梨抹茶拿鐵 $𝟔𝟎 三色漸層夠晒靚，有草莓、奶油牛奶同抹茶，好飲！ 🔸濃縮咖啡湯力戰 $30 選用越南有機咖啡豆，咖啡味道濃郁，口感醇厚! 使用來自越南咖啡農場可持續種植理念經營既咖啡豆，推介! 🔸Sip Song芒果糯米飯 $58 芒果切片，加上濃郁椰奶，甜而不膩! 🔸朱古力夾心布朗尼配燒椰子雪糕 $58 呢個甜品第一次食有驚喜！布朗尼外層微脆，入口柔滑，中間夾有濃郁椰香的燒椰子雪糕。雪糕與布朗尼好夾，口感一流！ 🔸Matchali純素抹茶軟雪糕 $48 身為一個抹茶控必食! 京都宇治茶道級抹茶雪糕，口感幼滑，抹茶味香濃，甜度適中，食埋大滿足! 📍 KIN Food Hub @kinfoodchange 鰂魚涌英皇道979號太古坊德宏大廈2樓