高質工廈西餐廳

呢間工廈西餐廳好隱世 如果唔係朋友喺附近做野帶我嚟 都唔知原來樓上有間唔錯嘅餐廳～ 佢話餐廳係賣口碑👍🏻 7點半去到已經有好多棒場客～ 地方舒適乾淨，擺盤都幾用心～ 每枱都放有一樽檸檬水，唔會迫人點野飲👍🏻 🔖Dinner Set $212起，需加一，包跟是日餐湯+ 主菜 +飲品～～ 是日餐湯係《 西蘭花忌廉湯 》～ Creamy濃稠，仲有啖啖打成碎嘅西蘭花～ 仲有配上小餐包～ 🥩《 DS3: 燒美國Prime級牛扒 8oz 💲248套餐 》 肉質夠嫩無渣，有肉味，配有燒汁更惹味～ 另外伴有香脆嘅粗身薯條同茄汁～～ ☕️揀咗配 熱柚子蜜～ 🍖 《 DS4: 香草燒紐西蘭羊架 伴薄荷蕃茄汁 💲298套餐 》 有三支羊架，肉嫩唔羶，帶有脂肪入口更香腍有肉汁～ 配咗自家製嘅醬汁，好夾好提味！ 🍹揀咗配 《 什果賓治 +💲8 》 🍫🍰最後仲有甜品添呀！ 每人都有三件小蛋糕，再有雜莓同綿花糖擺盤裝飾～ 睇見都加分👍🏻 職員友善，上菜快～ 下次再嚟先！ 📍AGE Cuisine Express (鰂魚涌) 28/4 鰂魚涌英皇道1065號東達中心11樓1105室 （太古站 A出口 3分鐘）