藝彩廚早餐Buffet @ 迪士尼好萊塢酒店

上次去迪士尼staycation 揀左晚餐食buffet，今次調返轉，前一晚出東涌搵嘢食，第二朝喺酒店食早餐buffet，食完就check out跟住入樂園玩。 迪士尼好萊塢酒店嘅藝彩廚經翻身之後，多左一幅勁靚嘅彩繪壁畫，左起有小木偶，美女與野獸，小飛俠同TinkerBell ，愛麗絲夢遊仙境，史迪仔尼露，阿拉丁同茉莉公主，最後花木蘭。趁餐廳仲未完全滿座，我地去左壁畫嗰邊影相，職員係勁好人唔介意過黎幫我地揸機。 食物方面，比我想像中更豐富更多元化，不論西式叫即煮奄列，Pizza 炸薯餅，中式皮蛋瘦肉粥，點心，日式五目飯面豉湯，怎至有印度咖喱都有。包點選擇都唔少，有牛角包，丹麥酥，冬甩，小蛋糕，多士。穀物早餐除咗鮮奶中提供豆漿同燕麥奶，十分貼心。 整個環境，舒適度，服務同食物質素，我都覺得係物有所值嘅。食飽早餐上房執埋啲野11點Check out，入到樂園基本上唔使食Lunch都得嚕。 #迪士尼好萊塢酒店 #藝彩廚