地道泰國菜 | 太子

呢間泰國菜位於太子 餐廳嘅裝潢好似泰式cafe 木色嘅枱櫈都增加柔和感 食物款式選擇都好多 菜式嘅設計亦極具心思 🔸蝦醬雜菜蝦球湯 $92 都好大兜，絕對夠兩個人飲。湯頭味道好清甜，仲飲到淡淡嘅鮮蝦香味。配料仲有大大件嘅蝦球同雜菜，味道酸酸地辣辣地非常開胃。 🔸燒豬頸肉生菜包 $88 豬頸飲燒到外層好焦脆，色澤亮麗，食落肉質好嫩滑多汁，非常juicy，用生菜包住食口感就更豐富。 🔸椒鹽茄子釀蝦膠 $88 一碟有四件，每件都好大件，炸到金黃香脆，非常吸睛。蝦膠炸完後都好彈牙，釀喺茄子上面無論味道定口感都好夾。 🔸Lost in Thai 特式海鮮咖哩 $168 特式咖喱味道唔算好辣，由於加咗椰汁，所以食落甜甜哋。咖喱可以選配唔同嘅配料，我哋就揀咗海鮮，鮮味十足。仲加咗$20加配印度薄餅 ，薄餅同咖哩係絕配，好味到停唔到口。 🔸泰式椰汁冰 $32 用碗裝都幾得意，飲落好椰子味香濃，甜度啱啱好，非常涼快。 🔸芒果糯米飯 $52 芒果好新鮮香甜，食落完全唔酸。糯米飯口感煙煙韌韌，好友嚼勁，淋上香甜嘅椰汁後非常好味。 #cablfoodreview_princeedward 📍Lost in Thai 太子太子道西96-100號萬年大廈地下B號舖 #hkfoodpic #foodstagram #foodiegram #hkfoodie #foodie #foodiepic #foodpic #foodphoto #foodshare #foodiehk #852food #mkfood #lostinthai #泰國菜 #吃貨人生 #食評分享 #餐廳 #食評 #太子美食 #美食日記 #相機食先 #太子食乜好