尖沙咀｜粉紅少女風主打韓國釜山粥嘅韓式餐🇰🇷🍜🥟

HANA Korean Restaurant (尖沙咀) 📇地址：尖沙咀金巴利街1E號地舖 🕐營業時間：星期一至日12:00-22:00 💸人均消費：～$150/人 dinner 👏🏻抵讚位： 兜粥都份量都幾多，食完都真係飽，上枱個陣都熱辣辣，個人食完好暖😗 🍴Food QC： 「釜山鮮鮑魚粥 $138」 啲粥見到嘅係鮑魚粒instead of menu張圖嘅鮑魚片😂 朋友見到都問左句：鮑魚喺邊😅 成兜粥嘅感覺都幾油，同埋有啲重口味，本身朋友叫呢個粥係想食得清淡啲🙈 「泡菜章魚粥 $128」 唔算太辣，泡菜味蓋過左粥本身嘅味，粒粒嘅章魚唔算多，都一樣係油同重口味😅 「蒸韓牛餃子 $82/5隻」 本身上枱見到都大大隻，諗住應該ok(?) 一夾，即刻啲皮同啲餡分離，成隻餃散左。啲餃子黎到唔係熱，係暖，翻蒸都可以整熱多少少嘅😅 😯有待改善位： 鋪面好細，但放左都4-5張枱，行得都有啲辛苦，驚一個唔小心就打瀉隔離枱啲野食。食物方面如果清淡番少少同埋熱多少少會好啲 😼私心回應區： 鍾意打卡影相嘅朋友可以黎影下走少女風嘅相，門口同鋪內嘅燈同擺設都唔錯👍🏻 #打卡餐廳 #foodie #韓式 #搵食推介 #尖沙咀搵食地圖 #尖沙咀美食