荃灣｜啱哂愛食雞之人嘅高質食雞專門店🍗🥢🥘

掌門雞 (荃灣) 📇地址：荃灣大河道98號如心廣場二期2樓211號舖 🕐營業時間：已結業 💸人均消費：～$150-200/人 👏🏻抵讚位： 坐得幾舒服，鋪位好大，枱同枱之間唔會覺得好逼。新開個陣食，佢用個app登記左做會員有八折，平左少少，都算可以接受嘅價錢 🍴Food QC： 「麻香手撕雞拌日本拉麵 $88」 啲拉麵好彈牙，啲手撕雞除左有麻醬香味都有少少酸酸辣辣，所以食落又唔會好濟，係好食嘅 「日式雞皮餃子 $48/6隻」 我第一次食雞皮餃子，所以覺得好好食😂 一咬落去，啲油標出黎，雞皮勁脆，餃子啲餡都唔少😆 「掌門網紋春卷 $48」 炸春卷來講冇乜特別哇？ 「法式原味烤雞 $168/半隻」 上枱都熱辣辣，香料味唔係好重，雞肉都好嫩滑，就算係啲雞胸都唔嚡，食半隻其實都唔係好夠喉😂 😯有待改善位： Staff嘅人手唔少，但都要fing幾下等一陣先有人埋到黎，呢方面可以加強下 😼私心回應區： 呢間餐廳新開張嘅時候食完一次，覺得質素唔錯，但喺商場入面佢個位置可能唔係好顯眼，所以唔係吸引到好多客人，過幾個月就發現佢執咗笠🙈 #打卡餐廳 #foodie #搵食推介 #荃灣搵食地圖 #荃灣美食