西營盤新派多國菜餐廳😽

#香港景點 #美食指南 #西營盤美食 #西營盤餐廳 #fusion菜 印象中既西環，好似係一個充滿海味鋪既地區，不過知道近年都開左唔少cafe，早幾個星期，有個好耐無見既朋友約我食晚餐，佢就推介左哩間位於西營盤既A.O.M。 哩間餐廳係西營盤站附近，細細地，唔係好起眼，以黑色作主題，係出面行過都未必會留意到佢🤣不過佢既格局都幾特別，入左餐廳範圍，又可以出去outdoor area，想坐室內或室外都可以任君選擇~ 今次人多一齊食飯，所以叫左唔同既野一齊share食😉試左一杯cocktail叫passionfruit collins，酒味唔太濃，而且有酸酸甜甜既熱情果味，都幾開胃😋 之後叫左個"一定要食粗薯條"做snack，個名好有趣，但食落都有驚喜~薯味十足，好似自家製咁🤤另外仲試左個香煎荷蘭三層肉，五花肉既肉脂均勻，非常爽口juicy😻 然後試左兩款意粉，一個係濃厚蝦醬意大利粉，另一個係A.O.M卡邦尼意粉。第一款係用左港式既蝦醬秘製左個意粉汁，味道都幾驚喜，食到有濃厚既蝦膏味，加上櫻花蝦同新鮮既鳳尾蝦，令成個意粉既口感，豐富左唔少😍而卡邦尼意粉，佢用左豬頰肉代替左煙肉，肉質爽彈得黎又有少少咸味，而且用左羊奶芝士去整個汁，creamy得黎又唔會好heavy, 口感非常豐富😋 雖然前面好似唔係叫左好多野食，但其實食完幾樣野後都已經飽飽地🤣但最後當然要有甜品作結啦~少吃多滋味地叫左個脆糖香草吉士croffle share，croffle好鬆脆，配左吉士醬以為會好漏，但雲尼拿雪糕入面加入左啲檸檬皮，食落又幾清新，又有啲解左膩😉 估唔到係哩條街度，會有一間咁有情調既餐廳仔，不過論係同朋友聚會定同伴侶撐檯腳都好適合👍🏿👍🏿 📍A.O.M 西環西營盤第二街32號地舖