少女心Cafe | 台灣過江龍

最近去左間少女心滿滿嘅餐廳 係一間台灣過江龍Cafe 主打蜜糖吐司 餐廳仲有唔少打卡位📸 啱晒同朋友食Tea打卡 🔸巧克力蕉響曲蜜糖吐司 $98 蜜糖吐司烤完之後外層金黃香脆，內裡嘅質感就好軟綿，非常高質。吐司頂有朱古力cream同Haagen-Daz朱古力味雪糕，再淋上香滑榛子朱古力醬同配埋焦糖香蕉，賣相吸睛同時都好好味。 🔸綿綿珍珠奶茶鬆餅 $90 奶茶味嘅鬆餅顏色好特別，鬆餅可切成八件，每件都吱咗奶茶cream同鋪咗珍珠喺面，中間仲有奶茶味嘅雪糕，食落奶茶味香濃，甜度啱啱好，鐘意奶茶嘅朋友絕對唔可以錯過。 🔸海鹽焦糖奶昔 $58 面層超豐盛，輕盈嘅忌廉上面有蝴蝶酥、梳打餅、芝士餅、爆谷。奶昔帶有焦糖香氣，口感香滑，鹽味更能中和甜味。 🔸芝士奶蓋桂花烏龍茶 $50 面層有厚厚嘅芝士奶蓋，超級邪惡！呢款你尖沙咀限定飲品，必點呀！桂花烏龍茶清香，飲得好清新嘅感覺，配埋鹹鹹地嘅芝士奶蓋，口感豐富。 #cablfoodreview_tst 📍Dazzling Cafe 尖沙咀彌敦道100號The ONE 3樓L322-L323號舖 #hkfoodpic #foodstagram #foodiegram #hkfoodie #foodie #tstfood #tst #foodpic #cafe #dazzlingcafe #foodphoto #foodiehk #852food #吃貨人生 #食評分享 #餐廳 #食評 #尖沙咀美食 #美食日記 #相機食先 #尖沙咀食乜好