正宗靚牛壽喜燒店

向來都喜歡日本料理🍣,而熟食中我最鍾意壽喜燒,因為湯底甜甜香香又有牛味🐮。今日嚟到大南街呢間木系嘅壽喜燒,因為呢度有靚牛肉😍😍! 🤤經典日本A5黑毛和牛壽喜燒套餐 368 我哋點咗個壽喜燒套餐,包埋野菜拼盤同埋雞蛋🥚。店員會先幫我哋用牛嘅油脂加壽喜燒汁煎香啲洋葱同京葱🧅,等啲壽喜燒汁收乾啲,就可以煎牛肉啦!啲牛肉油份滿滿,入口即化,令人好回味😋。 🤤美國安格斯/Prime頂級(板腱) 98 我哋仲追加咗份牛肉,但因為當日無貨,所以升級咗做封門柳🤩。呢個牛肉比較有肉香,油脂無咁多,口感比較扎實。 🤤稻庭烏冬 28 另外點多個烏冬嚟吸湯🍜,配埋啲京葱洋葱,真係好甜香好味。 🤤雜錦吉列野菜 68 另外仲叫咗啲炸物,呢個吉列野菜有兩件南瓜,三件冬菇🍄🟫同兩件茄子🍆。外層炸得好脆又唔會厚,最好食冬菇,入口好juicy💦。 🤤吉列海鮮拼盤二人盛 198 另外叫咗個海鮮拼盤,有蝦,帶子同埋蠔🍤。個蠔最好食,夠晒肥大,反而帶子煮得有啲老。 整體嚟講,呢間餐廳嘅壽喜燒真係好有正宗風味🎍。而且佢啲牛肉真係好靚,好有去日本食嘅感覺🤤。炸物都唔錯,新鮮熱辣而且大件。 📍八不·壽喜燒 太子大南街52號地舖 #foodphotography #美食指南 #和牛 #美食之旅