抵食北角茶餐廳

地址－茶東西 北角炮台山電氣道183號友邦廣場地下3-4號舖 有朋友係附近的酒店出門，咁趁中間有空檔的時間去食下TEA，咁就去左呢間食下，覺得環境都幾光鮮，又唔少人食喎。 💋卡邦尼意粉，呢碟意粉如果你同我講係午餐我覺得一D都唔過份，勁大碟，醬汁勁濃稠，又勁黃，食得出好有蛋味，而且佢比的煙肉一D都唔孤寒，勁多係面，佢D芝士粉雖然有點偏少，但好彩一叫待應都會奉上芝士粉比我任加，完全滿足身為芝士控的要求，正。 💋羅勒茄牛醬煎蛋飯，呢個醬汁勁多，多到一個點，但好彩味道剛好，唔會話太重口味，食落酸酸甜甜咁，牛肉份量都唔少，牛味香濃，配埋少少羅勒味，幾好，我食前將面層的煎蛋刺穿，讓蛋汁同茄汁混和後同白飯一齊食，好幸福的說。 💋柚子炸髀，佢個炸髀係即叫即炸的，所以需要等待，但呢一切都係值得的，一切就見到出晒煙，勁正，佢炸到皮脆肉嫩，肉汁豐沛，正，配埋佢個柚子醬，熱氣感即刻下降左唔少，正。 💋北海道薯仔沙律，佢呢個係炸髀加$10就有，勁抵！佢完全被紅蘿蔔包裹住，而又巧妙地食唔出草青味，唔錯，而佢有勁多蟹柳絲混和左，食落有驚喜。 💋經典花生醬西多士，佢個西多士勁厚，炸到外脆內軟咁，上面塊牛油勁厚，因為係新鮮炸起的關係，食食下都溶左，而中間層花生醬做到流心效果，畫面真美。 人均價格－ hkd 70~100 (Tea) 評分－ ❤️❤️❤️❤️❤️ (最高6分） #hkig #hkgirl #hkcouple #hkiger #girl #hkfoodie #hkblogger #hkfoodogger #foodie #foodlover #photooftheday #instaphoto #hkfood #hongkonginsta #photoogtheday #cute #iphone13 #photoofme #instafoto #photoofmylife #like #follow #share #foodlover #hongkongfoodie #hongkong #teatime #茶東西#炮台山