品嘗智尊酸菜魚，抵食午餐為你煮

餐廳：智尊酸菜魚 (灣仔) 地址：灣仔機利臣街9A號地舖 好耐無食過酸菜魚，同朋友一時興起就咗去灣仔機利臣街呢間智尊酸菜魚食lunch，比佢大約$60-$70嘅午市套餐吸引咗，仲配一款主食，包括白飯、菜飯、上海麵、擔擔麵同紅薯粉🍜，食酸菜魚嚟講呢個價錢都真喺幾抵食😋 餐廳以卡位為主，座位同座位之間都幾闊落，坐得幾舒服😌，尤其疫情期間唔洗同人逼埋一張枱就食得更加放心 ✝️智尊金湯酸菜魚 $68 一大碗滿滿嘅酸菜魚望落已經覺得好吸引😋，酸菜、泡辣椒🌶️、香蔥、芝麻，種種香料同配菜令酸菜魚食落開胃又惹味，酸酸辣辣幾過癮😎，所用嘅草魚嫩滑無骨，有十幾二十片，底下仲有唔少嘅芽菜同薯粉，食完都幾飽肚👍 ✝️智尊辣子雞 $60 以紅辣椒、花椒等爆香雞粒🌶️，加上調味就更香脆可口，辣中帶麻，唔會好油膩，亦唔會好厚粉，配飯食一流☺️，不過有啲雞粒就好細舊，唔喺好食到入面啲肉，如果大粒啲食到啖啖肉就最好😆 ✝️京城皇府紅燒肉 $68 超級邪惡嘅紅燒肉，用咗五花腩去整🐷，一份有十幾舊，份量都幾多，加埋餐廳自製嘅汁，咬落紅燒肉相當軟腍，肥膏同筋肉連住唔會鬆散分離，一啖放入口唔單止舊脂肪，就連舊肉都有即溶嘅感覺，絕對可以encore😍 ✝️蒜泥五花肉 $20 跟套餐可以加錢叫小食，我哋揀咗個蒜泥五花肉，雖然切成薄片，但切得唔夠徹底🙈，每片之間仲喺痴住無分開到，加咗蒜泥同醬汁，蒜香幾出🧄，作為開胃菜就一流 #foodie #抵玩酒店 #郊外好去處 #郊外好去處 #人氣展覽 #本地遊 #境外遊