荃灣高質特色東南亞料理

🇹🇭圍威喂🇹🇭 📍:荃灣大壩街4-30號荃灣廣場4樓432號舖 ⏰:11:30am-10:00pm ⭕️:現金、信用卡、Alipay 而家外邊好多餐廳都做緊外賣優惠 夜晚唔想煮飯 想食東南亞泰國菜嗰啲 見到荃灣呢間做緊八折優惠😍即刻買外賣返屋企當晚餐！ 雖然冇得晚市堂食 但係我外賣自取嗰陣見到佢哋嘅座位好闊落 地方都乾淨🥰員工嘅服務態度都好好 有機會一定會再去！ 二人(B)餐 (六折優惠) 💰248 (扎扎跳蝦餅、冬蔭功單骨雞翼、無骨海南雞(半隻)、辣辣地塔香炒青口、馬拉盞通菜、油飯、青檸蘇打) 🦐扎扎跳蝦餅 蝦餅大大件 好厚肉 有蝦味 質地好紮實 再配埋酸辣醬好惹味！ 🐥冬陰功單骨雞翼 比我想像中更加有驚喜 雞翼有好重既冬陰功味 炸到脆卜卜好香口 肉嫩多汁🙈 🐣無骨海南雞 去骨嘅海南雞啖啖肉 雞肉好嫩滑 雞皮滑嘟嘟 雞味好濃 微微地辣 跟埋三款醬汁 有薑蓉、醬油、甜酸醬 再配埋油飯食 油飯上面有炸蒜 食落一流！ 🐚辣辣地塔香炒青口 呢個好好食 二人餐有大約七隻左右嘅青口 青口全部都大大隻 好新鮮冇殼碎 辣得來好惹味 青口索晒辣汁 好正！必食推介！ 🥬馬拉盞通菜 通菜加咗辣椒、洋蔥同蒜蓉 好爽口 菜葉好淋 味道唔錯！ 🐷泰式街頭滷水豬手 💰100 額外再加多左份豬手 唔好以為$100好貴 每一舊豬手都好有份量 有我隻手掌咁大 滿滿既骨膠原 豬手皮好滑溜 醬汁好入味！仲會有半隻雞蛋🥚比較特別！ #香港美食 #平民美食 #荃灣 #荃灣美食 #香港 #美食 #hkfood #hkfoodie #openrice #hkfoodblogger #hkfoodies #foodshare #hkrestaurant #foodie #hkfoodblog #食評 #美食推介 #foodhk #泰國菜 #圍威喂 #外賣優惠