舒適環境 Semi-buffet ～

有好耐冇食過Mr. Steak喇！ 近月恢復晚市堂食🙌🏻真係好鼓舞，尋晚就同老公放下風😘book枱食晚飯～ 呢度平時係食Set Dinner ，包餐湯和飲品，或者加少少錢，就可以轉Semi-buffet ～可以任食沙律前菜甜品和水果，有幾十款款式，是日餐湯忌廉西蘭花蘑菇湯好濃郁，cream奶味平衡得好好，啖啖都飲到西蘭花蓉，口感清新自然，另一半都飲咗兩碗。服務員會即場切凍肉，其他食物都會無間斷refill，見到都令人食慾大增😍 主食: 龍蝦•鱸魚 生蠔海鮮拼盤 ～法式芝士焗龍蝦🦞肉質結實鮮甜，而且容易起肉，好有口感。煎過嘅鱸魚表面香脆，伴隨香草醬，醬汁酸酸地而不油膩，又幾夾喎👍🏻 原本我預海鮮拼盤都係一人份量，居然每款海鮮都有兩件，有生蠔、青口、海蝦、貝類，款款都新鮮無雪味，驚喜！ 澳洲穀飼安格斯肉眼 ～肉眼扒夠厚身，牛味香濃，我哋揀咗七成熟，切落粉嫩又唔會太生，唔會太多筋位，充滿肉汁，另加$20一份鴨肝，有兩大塊，香脆內嫩，推介！ 兩份餐我哋share嚟食都好夠份量，人均消費二百幾，CP值極高🙌🏻 牛扒先生 (青衣城) (青衣) 📍青衣青敬路33號青衣城地下G03A號舖 #消費券攻略 #自助餐推介 #星級作家5月驚喜