《KAKAO FRIENDS 帶你玩轉韓國@MIKIKI》✈️

#聖誕好去處2022 豬仔包一向都好鍾意KAKAO FRIENDS嘅Ryan 熊仔🧸，屋企好多日用品都會見到佢嘅蹤影😆。媽媽知道今年聖誕🎄，MIKIKI 商場以KAKAO FRIENDS做主題，當然要帶豬仔包去朝聖一下💨💨💨 「MIKIKI x KAKAO FRIENDS 韓遊假期」聖誕裝置共有5️⃣大打卡位，全部都係遊首爾必到觀光景點😍，包括：👇🏻👇🏻👇🏻 ❤️ Ryan暢遊N首爾塔🗼～ 近6️⃣米高嘅首爾塔 🧡 Apeach心鎖橋 💗～ 韓劇大熱南山公園愛情鎖牆 💛 Muzi & Con玩轉南大門🏯～ 傳統國寶級建築南大門 💚 Choonsik小食檔 🍢～ 韓國街頭地道小食攤檔 💙 Neo & Frodo、Jay-G、Tube購物大道🛍 ～時尚購物區聖水洞 豬仔包去到商場，離遠見到Ryan開心到跳起，大大聲📣話比媽媽知見到Ryan。媽媽都未嚟得切回應，豬仔包已經九秒九衝去攬住Ryan😆 Ryan其實係企咗響馬路中心，背面就係首爾塔🗼，豬仔包係咁響條斑馬綫度走嚟走去扮過馬路，旁邊小朋友都比佢感染一齊行😂 之後豬仔包行咗去Apeach心鎖橋💗，又係不斷走上走落，仲要封住話有危險唔比人過。不過啲小朋友冇理佢，直接響豬仔包手下面穿過，變成玩「捐山窿」⛰🤭。 呢個南山公園心鎖橋對媽媽嚟講一啲都唔陌生，係韓綜《我們結婚了》及劇集《來自星星的你》取景地，媽媽都有去過，好岩情侶打卡💕 響心鎖橋後面就係聖水洞購物區🛍嘅打卡位，有精品咖啡店☕️同時裝店👠，完全勾起媽媽去韓國瘋狂shopping同響咖啡店☕️享受嘅回憶🥰。 除咗精品咖啡店☕️同時裝店👠之外，購物大道，仲有小鴨Tube主理嘅韓風自拍照相館。共有4️⃣款KAKAO FRIENDS角色可愛相框可以選擇，自拍完掃瞄二維碼即可下載，費用仲全免添😍。不過每次都要等🔟秒先影，豬仔包成日到影嘅時候已經冇望鏡頭，所以影咗幾次全部都失敗🤣 另一邊就有Muzi & Con南大門🏯同Choonsik小食檔🍢打卡位。響韓國街頭地道小食檔，最受歡迎一定係辣炒年糕，仲有芝士熱狗🌭同劇集《魷魚遊戲》中的椪糖餅。小食檔響指定週末及公眾假期會變成遊戲攤位，大派特色小禮物🎁。只需在憑場內消費超過$50嘅單據，就可以玩一次，豬仔包換到張靚靚貼紙，非常開心😊 除咗打卡📸同玩遊戲🎎外，逢星期六指定日子，都會有韓式拼豆工作坊，可惜我哋去到已經滿額🥺。工作人員建議我哋下次再去用商場積分留位，之後先到商場消費，咁就唔會白行一趟☺️ 不過豬仔包最失望係冇得同Ryan見面，媽媽冇睇清楚日子，原來見面會要下多個星期先開始🤦🏻‍♀️，唯下次再去過啦😅 🗓日期：2022年12月6日至2023年2月26日 ⏰開放時間：10:00 - 22:00 📮地點：Mikiki 地下中庭 #親子活動 #親子活動好去處 #親子 #假日好去處 #聖誕 #聖誕裝置 #打卡 #mikiki #新蒲崗 #新蒲崗好去處 #kakaofriends #ryan #全職媽媽 #4y3m #豬仔包の開心日常