高質抵食小店情人節套餐😍😍

💓桂月💓 📍:深水埗汝州街75號地舖 ⏰:3:00pm-11:45pm 情人節當日要返工 唯有提早同👦🏻食情人節大餐 今次想推介呢間深水埗嘅高質小店 @gwai3.jyut6 佢哋做緊早鳥情人節套餐優惠🥰一於趁放假去慶祝吓！ 餐廳環境唔算大 以復古風為餐廳主題 牆上邊有好多黑膠唱片 坐得舒服又寧靜 好值得兩小口過嚟🤣 🔸情人節套餐 早鳥優惠$520🔸 ▫️橄欖蕃茄水牛芝士沙律 蕃茄仔酸酸甜甜 再配埋鹹鹹地嘅水牛芝士 橄欖油令原先幼滑嘅水牛芝士更加濃郁 好夾之餘十分開胃🤣 ▫️廚師精選餐湯 當日嘅廚師餐湯係甘筍湯 熱辣辣上枱 將甘筍打到勁綿勁爛 變到果蓉 飲落味道濃郁 真材實料 好開胃嘅主菜之一🙌🏻 ▫️酥炸軟殼蟹配涼拌天使麵 呢款有驚喜 軟殼蟹炸到香脆熱辣辣 厚身啖啖肉 唔會好油膩 乾身香口 兩個人share啱啱好 天使麵嘅份量略嫌比較少 不過配埋蟹子 爽口食落清新解膩💓 ▫️香煎比目魚配半殼帶子 主菜有三款選擇 有燒春雞、龍蝦配牛柳、比目魚帶子 我地叫左後者 一上枱見到兩粒超大粒嘅帶子 面層輕輕煎到金黃香脆 食落軟嫩彈牙 鮮甜無比 比目魚煎到好香口 嫩滑無比 完全無細骨 加上黑醋汁 酸酸地更加帶出魚鮮味💓 ▫️blooming Garden 除咗moscato之外 我哋叫咗呢款mocktails 因為我哋要揸車所以唔可以飲酒🤣用左荔枝 玫瑰 青檸mix梳打 入口果香味重 之後有淡淡玫瑰嘅花香環繞口腔四周 味道唔錯！ ▫️意式奶凍 食到最後配埋個甜品就滿足晒啦 士多啤梨奶凍放上大量桂花糕粒 配搭埋心形朱古力同士多啤梨 奶凍香滑之餘味道唔會好甜 分量比我想像中大🤣 #香港美食 #平民美食 #深水埗 #深水埗美食 #香港 #美食 #hkfood #hkfoodie #openrice #hkfoodblogger #hkfoodies #foodshare #hkrestaurant #foodie #hkfoodblog #食評 #美食推介 #foodhk #香港好去處 #香港打卡 #桂月 #西餐 #情人節套餐 #情人節 #情人節必食 #情人節推介