點解睇鬼片會睇到喊㗎

以前拍拖嘅時候我最鍾意就係睇鬼戲👻，不過嫁咗個唔鍾意睇鬼片嘅老公之後，有幾年無睇過驚嚇電影了。今年真係悶得太耐，個人特別想搵啲刺激感，加上成日寫嘢，個腦都要多啲input先多啲靈感🧠，所以睇咗套戲 #怪奇默友 我諗住終於可以放低媽媽身份去吸收啲新刺激，點知，呢套唔係血腥暴力驚慄片，而係喺詭異氣氛中令人深思親子溝通、親情意義，我甚至覺得係一套「親子鬼片」。 細個嘅時候，上一輩會講啲嘢嚇我哋「你唔食晒啲飯，第時個老公／老婆就會成面豆皮」、「你唔聽話，就有鴉烏婆食咗你」，而呢套戲就係： 「如果你成日掛住玩電話📱，唔同家人朋友溝通，就會有怪物出嚟捉你」 主角奧利患有自閉症，唔識以言語同人交談，一直依賴手機嘅發音程式與「說話」，因而受到其他小朋友排擠、不肯同佢做朋友😟，所以奧利好寂寞、更加唔願意同人接觸，令電話入面嘅怪物Larry有機可乘。 為咗照顧一個自閉症嘅仔仔，奧利嘅媽咪疲於奔命，同奧利溝通嗰陣好易會情緒爆炸，而睇返我哋現實生活，都有見過父母當街大鬧小朋友😡，或者部份父母同小朋友溝通嘅時候都試過覺得勞氣、叫個小朋友唔好做佢就偏要做……🤦🏻‍♀️而大人發脾氣嘅時候就好容易講咗啲傷害親子關係嘅說話：「你再咁曳就唔要你呀」、「媽咪唔錫你喇」，大人知呢啲係晦氣話，但小朋友唔識分，就記入心，主角奧利就係咁樣，覺得媽咪唔錫佢💔，所以遇到恐怖事都唔敢同大人講，成日拎住部電話「螢幕發光 ，無論什麼都看」結果事件越演嚴重，換來一個讓人鼻酸的結局。 一般驚慄電影提供視覺、聽覺的刺激令你心跳加速，此片卻用情節製造心寒氣氛，再從中滲透引人反思的Shall we talk道理。 //孩童只盼望歡樂 大人只知道寄望 為何都不大懂得努力體恤對方 大門外有蟋蟀 迴響卻如同幻覺 Shall we talk Shall we talk 就當重新手拖手去上學堂//🎶 #萬聖節 #halloween #親子鬼片 #親子 #小學生可以一睇 #幼稚園太細啦 #鬼片 #電影影評 #ghostmovie #family #kids #momblog #mammyblogger #mama #hk #shallwetalk #溝通 #放假做乜好 #拍拖好去處 #刺激 #驚慄