港幣150蚊嘆個半鐘精油按摩

原來馬來西亞亞庇都幾多Spa/Reflexology嘅店鋪， 隨街都有一堆人喺度向遊客招徠， 加上價錢一啲都唔貴， 確實吸引咗唔少人行完一日之後去按摩放鬆吓。 我今次去嘅呢間New Borneo Family Reflexology喺網上評語幾好， 而且有好多人幫襯， 喺對比過價錢同埋評論之後就揀咗呢一間。 去咗一個比較噏耷嘅商場， 感覺真係有啲流流地， 仲好驚會唔會係黑店或者呃人， 一開始都有啲想拒絕， 但喺門口企咗一陣慢慢見到唔少人按完摩行出嚟同埋大讚雨下次要再嚟， 我就二話不說行咗入去試一試。 揀咗個MYR95（～HKD158）嘅90分鐘全身精油按摩， 揀定咗呢個plan之後按摩師就帶我去另一層嘅店舖入面按摩， 老實講個環境都真係幾relax同幾靚， 按摩前後都會比杯熱茶你飲， 雖然按摩嘅空間就比較狹窄， 同埋得一塊簾隔住左右， 私隱度唔係好高， 不過按摩手勢確實唔差， 幫我安排喺男師傅， 力度幾足， 按得勁舒服， 不過如果再搞好少少privacy應該會更加Perfect