必食辣得喜米線，大胃王齊來挑戰

餐廳：辣得喜米線專門店 (天后) 地址：天后帆船街8號金殿大廈地下17號舖 呢間上年九月喺天后開業嘅米線店——辣得喜米線專門店 @katies_noodle 值得你去一試，尤其米線愛好者一定唔可以錯過😍 餐廳有專屬嘅廠去提供出面食唔到嘅米線，佢哋嘅米線比某出名嘅連鎖米線店較為煙韌同幼身細條🍜，加上酸菜、麻辣醬都喺自己調校去整，嗰種麻酸辣香全港獨有，鍾意食辣嘅人仲可以試埋佢哋嘅魔鬼椒湯底呢🌶 除咗湯米線之外，佢哋仲有酸辣撈、泡飯同其他麵食，選擇都幾多，價值介乎四五十蚊，幾抵食🤑 ✝️大胃王紅薯粉 $63 呢個大胃王有五款餸菜，包括秘製豬扒、自製韭菜餃、鮑片、魚片頭同手撕雞🐔，豬扒醃製過，咬落好鬆軟一啲都唔韌；手撕雞入味得嚟唔會好鹹，雞味仲好濃厚；紅薯粉吸收晒湯底嘅精華，好彈牙啊😆 ✝️自製鮮蝦丸米線 $43 蝦丸粒粒都喺人手打，爽彈得嚟有陣陣蝦嘅鮮香🦐，如果大粒啲口感應該會仲正🤤。加餸每款$8，另外加咗個韭菜餃🥟，咬開見到好豐富嘅韭菜同豬肉餡料，原來喺店員每日新鮮人手包嘅，好足料呢🥰 ✝️酥炸雞中翼(3隻) $26 好大隻嘅雞翼🤩，喺平時一般見到1.5倍嘅size，外層炸得酥脆而一啲都唔厚身，薄薄嘅雞皮裡面包住一咬落去就好多汁同熱辣辣🔥、嫩滑嘅雞肉，加上面頭灑咗些少辣椒粉，超級惹味 ✝️麻酸辣雜菇蠔仔 $49 份量幾多夠兩個人食，蠔仔雖然唔大隻而且有少少蠔殼🦪，不過食落一啲都唔腥臭，帶有微微海水味🌊，尚算飽滿嘅蠔肉集齊麻、酸、辣嘅口感，加埋雜菇🍄、酸菜、花生等唔同配料，豐富咗成碟小食嘅口感同層次😙 #foodie #自助餐推介 #行山路線推介 #下午茶推介 #本地遊 #星級作家衝衝衝