原宿人氣必食美味pancake店😋

#東京景點 #原宿美食 #東京美食 #原宿好去處 #東京pancake店 東京係一個充滿美食既地方，世界各地某啲好好食既餐廳都會選擇係度開分店；而今次想推介既餐廳係一對來自夏威夷既日本夫婦開既早餐店😉 哩間餐廳既總店係夏威夷，雖然話係早餐店，但其實佢地既甜品都同樣出色，所以可以成為長期長龍店，想避開人潮既話，可以選擇平日lunch hour前或後黎，當然都可以網上訂座，咁就可以省卻等位既時間啦😎 店內既裝修走簡約風木系主題，淡黃色既燈令餐廳氣氛有種溫暖既感覺，座位其實都幾闊落，令每枱客人都有適當既私人空間👍🏿👍🏿 今次叫左兩款甜品食，一個係佢地既招牌忌廉山waffle，揀左要士多啤梨+夏威夷果仁碎味，見到個waffle上枱既時候，真係比個忌廉山震驚左，因為真係好多cream🤣雖然有士多啤梨既酸酸甜甜中和左，但要一個人食晒既話，確實係好漏🙈 而另一個就係情人節期間限定既流心朱古力pancake，同樣地都有好大座忌廉山係旁邊，但哩間更令人期待既就係中間既流心朱古力，配埋pancake一齊食唔會好dry，而甜度唔會太過份，食完會好滿足，朱古力愛好者真係必食😍 由於今次quota有限，試完啲甜品都無位再試佢地既咸食，所以下次要再黎試佢地既咸食，睇下係咪同甜品一樣出色😺 📍夏威夷早餐 Eggs 'n Things 東京都渋谷区神宮前4-30-2 4 Chome-30-2 Jingumae, Shibuya City, Tokyo 150-0001日本