銀座頂級和牛餐廳😍

#東京景點 #和牛餐廳 #銀座美食 #東京美食推介 #東京美食 #和牛盛宴 今次同朋友去東京，佢帶我黎見識左一間位於銀座既高級餐廳，係一間連續4年獲得東京米芝蓮指南一星既和牛餐廳，主打上等牛肉同當季最新鮮既食材組合套餐😎 餐廳以木系主題作裝修，一入門口就會見到一張長枱，大概可以座5-6人，可以望住師傅係入面準備晚餐，旁邊仲有兩張4人枱。空間感唔錯，乾淨又企理，而且燈光都好光猛。 餐廳既有兩款套餐，有omakase course同special course。由於餐廳要準備食材，所以出發前記得預先網上訂座呀！！！同埋預約左就記得要準時到呀！！！留位時間為30分鐘😉 今次我地試左佢個special course menu，哩個set有8道菜，齋睇佢地既賣相都已經覺得好吸引😍 前菜有特製既咸牛肉，口感同平時食既咸牛肉好唔同，食到一絲絲咸香又有咬感既肉；之後有一個刺身冷盤，啲刺身非常爽口鮮甜；最後有一個鮮果配薄片牛，仲有即刨黑松露片，有啲估唔到水果既juicy配埋黑松露片同薄牛片既口感同味道可以咁夾，真係好surprise👍🏿👍🏿 主菜方面，可以係5款牛揀其中兩款，熟成度可以以個人喜好同師傅講，睇到肉質呈粉紅色就知，口感味道都無得彈啦~~同樣都係好juicy，牛既外層輕輕煎得好香脆😋😋 然後仲有個迷你咖哩返同蛋花湯，兩者味道都幾好，咖哩汁相對係濃味既野食，同樣又係日本既代表食物；而蛋花湯清清地，恰好中和返咖哩既濃味😍 最後就係蜜柑刨冰，望住師傅刨啲冰，再倒好多好多蜜柑汁落去啲冰度，真係好治癒，好想自己整埋一份，有哩個刨冰作為哩餐既尾聲，真係好滿足🤣🤣 哩個高級體驗，真係要credit to my dear friend😻無佢安排哩一切，真係食唔到咁美味既和牛盛宴😉和牛愛好者，真係值得黎一試😍😻 📍銀座いしざき 東京都中央区銀座8-7-2 堀越ビル4階 日本〒104-0061 Tokyo, Chuo City, Ginza, 8 Chome−7−2, Horikoshi. Bldg, ４階