寧靜舒適-嬉野

第一次去#嬉野市 ，一落高速公路過左IC站就有種曾經輝煌過但依家沒落左嘅城市嘅感覺。 首先去左搵野食，一早plan左去一間豆腐專門店，#佐嘉平川屋 。(10分) 冇記錯主食係得一個餐(如圖)，豆腐可以無限任加。有其他單點嘅食物同甜品。 芝麻醬係自己親手即磨，超香! 我食過最好食嘅芝麻醬，成枱嘅芝麻都比我地磨哂黎撈豆腐! 個鍋入面本身係泉水，煲到最後會變豆漿。個種香濃唔係講笑，我地個個都成鍋清哂! 店員超好客，見我地係遊客佢地都好開心，可能太耐冇見過外國人。好熱情，教我地醬汁嘅配搭，見我地有人識日文又同我地講下笑。 除左豆腐鍋之外，極推薦豆腐雪糕，一定要食。 我地最後問店員附近有咩景點推介，佢拎左張嬉野嘅觀光地圖比我地，推薦我地去揸車10分鐘左右路程嘅#轟之瀑布 。 唔多講喇，睇相，好靚好舒服。 影完一輪相跟住就去check in，今次入住好有傳統特色嘅#大村屋日式旅館 。(9分) 一入旅館門口就換鞋，佢會幫你保管直到你外出。溫泉水好滑，重硫磺味，浴缸夠大可以浸兩個人。朝食有嬉野好出名嘅豆腐鍋，食物整體有9分。 旅館有大浴場，不過我麻麻所以冇去。 成個嬉野行程好舒服 好舒服 好舒服，我會比9.5分。差個0.5分係嬉野真係太唔方便，自駕想出返城市啲嘅地方都要差唔多兩個鐘，市內嘅娛樂活動應該係冇。不過亦因為咁先會有世外桃源嘅感覺。有機會會再去。