感謝際之人氣板神

呀媽生日就搵左板神鉄板燒日本料理，好好彩咁Book到灣仔店有海景，望到日落🌄 最貴既厚燒A5日本和牛$648/1set 14品 沙律不過不失，鵝肝香口，運用漢堡包吸收油份減低膩感。南非鮑魚正常發揮，點番個海鮮汁好食。大蝦🍤爽口加埋蝦膏😋和牛同炒飯同樣一個缺點，唔夠鹽，我食唔到有幾出色。蕨餅不錯，最後送你焦糖多士埋尾，肥野的確系正😂 板神鉄板燒日本料理 (The Hennessy) (灣仔) 灣仔軒尼詩道256號The Hennessy30樓 食物同服務質素:3/5 性價比指數:3.5/5 環境指數:4/5

板神 🥂感謝祭鐵板燒十四品😍

板神現正推出「感謝祭鐵板燒」，$398一位， 鐵板燒套餐包前菜、沙律、刺身三款、南非鮑魚、 大蝦、（帶子、白鱈魚、法國鵝肝任選其中一款）， 野菜 、美國薄燒牛肉或日本豚肉、 炒飯、漬物、麵豉湯、甜品或熱咖啡。 如果想食和牛， 加$100可以品嚐澳洲和牛， 或者加$200選擇A5和牛，不過我就冇加錢喇！ 星期一至日午市和晚市均價， 因為餐廳時常爆滿， 所以需要預訂和付訂金，每位100元。 其實板神在香港有多間分店， 今次選擇了灣仔軒尼詩道分店， 呢家分店係全海景， 無論坐卡位或者鐵板燒的座位， 都可以一邊品嚐美食， 一邊欣賞維多利亞港的美麗的景色。 平時食日本鐵板燒， 動輒一千元， 所以今次知道有優惠， 即刻預訂試下。 沙律、海鮮全部都好新鮮， 最驚喜是美國薄燒牛肉， 估唔到有入口即溶的感覺， 而且充滿牛味。 炒飯粒粒分明， 每粒飯都充滿蛋香; 最後來一杯香醇的咖啡， 真的十分寫意和滿足。 以這個環境和價錢來說， 真心性價比高👍😍🥂🥂🥂。 ❤👉Follow my IG @enoch88celia #foodie #本地遊 #香港好去處 #夏日搵食推介 #炎夏好去處 #hkfoodie #hkfood #駐站作家 #美食 #loklokcook

環境同食物質素都一流😍✨視覺嗅覺味覺感覺都大滿足

最近朋友話我知板神鉄板燒出咗午市新優惠 就約埋一齊去銅鑼灣旗艦店試吓👭🏻去到就知朋友無介紹錯 原來而家做緊大感謝祭 鐵板燒套餐最平只需要$398 已經有齊刺身/海鮮/燒肉😍勁抵食 唔好以為平咗就會將貨就價 食物同服務質素依然保持一貫咁好 $398套餐可以揀日本產豚肉/美國牛肉 亦都可以升級揀澳洲和牛($498)或者A5和牛($598) 當日被安排坐喺近窗邊嘅鐵板燒位 主廚係嚟自日本嘅Mr Nonaka🇯🇵十分感謝佢令全餐 無論視覺/嗅覺/味覺同感覺都好滿足 ▪️前菜◦沙律 慢煮雞胸肉配堅果醬沙律絕對係個好開始🥰沙律菜新鮮 雞胸肉好嫩滑 份量亦多 堅果醬好好味亦好濃郁 ▫️刺身三款 踏入秋天 唔少得時令嘅秋刀魚 肥美鮮嫩🐟吞拿魚油脂甘香 鮮味濃郁 中拖羅拍爛手掌 肉質嫩而不散 入口半溶化😍 ▪️南非鮑魚 望住師傳將鮮活飽魚慢慢烹調 一邊睇一邊流口水🤤處理得十分好 即使係邊位都燒到好軟稔 師傅話可以點帶酸甜嘅醬汁 不過我覺得唔使醬汁已經好好味 ▫️大海老 堅大隻嘅蝦 燒完後依然分量十足🦐我好鍾意食新鮮蝦 肉質好爽口 帶有燒烤嘅香味 鮮味亦都保留到 ▪️自選料理 可以喺帆立貝/白鱈魚/法國鵝肝中 三選一 我哋分別揀咗帆立貝同法國鵝肝🦆帆立貝相信係屬於剌身級別 質地厚實 彈牙鮮甜 而鵝肝就好可愛 做成一個小漢堡🍔包有烘過所以好軟熟 鵝肝勁香口又唔會太油膩 我哋都好滿意 ▫️美國牛◦澳洲和牛 美國牛揀薄燒 澳洲和牛揀厚燒 試到晒兩種唔同嘅滋味😋薄燒牛中間包住蔥蒜一齊燒 燒好後賣相好靚 層次分明 肉汁充足🐂厚燒牛味更突出 入口亦有溶化嘅感覺 食完牛之後就會燒埋野菜 專業嘅鐵板燒師傅果然係有要求 簡單嘅野菜擺盤都十分精緻 ▪️炒飯 炒飯入面除咗基本嘅蔥/蒜/蛋/香菜之外 仲加咗大量白飯魚 令成個飯充滿鮮味 炒到粒粒分明🍚同師傳傾開計 佢話其實炒飯要炒得好真係唔容易 所以客人滿意 佢都會感到好滿足❤️ 食完個飯其實已經好飽 最後仲有麵豉湯/漬物 我就揀咗咖啡 朋友就揀咗甜品紅豆奶凍🍮師傅真係勁好 燒多咗份蜜糖多士比我哋 勁好食 多士脆卜卜 甜度啱啱好 食完一陣已經好掛住🥹 大家如果最近有打算食鐵板燒 或者想有一個唔算貴但又好嘅鐵板燒體驗 趁住大感謝祭去板神 一定唔會令你失望❣️ #香港好去處 #foodie #hkfoodie #hkfood

板神鐵板燒～

去左灣仔板神鐵板燒食，叫左個金 • 特選鉄板燒二人前，有鮑魚、大蝦、帶子、鱈魚，仲有龍蝦送，樣樣野都好新鮮，幾好食，可以一路望住個靚景一路食，係幾嘆！

令人回味無窮嘅板神鉄板燒❤️

😍在閙巿中一邊享受維多利亞港海景，一邊歎頂級日本A5和牛鐵板燒、南非鮑魚、法國鵝肝，簡直一流！👍👍餐廳適合家庭、朋友聚會、慶祝生日、情侶怕拖。 👏👏師傳即場在面前製作鐵板燒，下少量油，翻起帶子、完美剝蝦殼，彷如看表演 #鐵板燒 #海景餐廳

Delicious Teppanyaki

地址－銅鑼灣 環境／設施－高級餐廳 特色－鐵板燒 人均價格－$800 評分－4.5/5 高級鐵板燒，原來中午13:45入座有一個八折套餐，最好先訂坐！ 食物新鮮，侍應及師傅均好有禮貌，又細心聆聽客人需求 👍🏻 #teppanyaki #foodie #foodfanatic

有質素有驚喜嘅生日飯❤️

平時行過信和廣場， 見到有間板神好似好正， 最近仲有教主炒飯效應後，😍 決定咗就係呢到同朋友慶祝生日。 入去裝潢好舒服， 一個個不同大小既箱房 房與房之間私隱度高👍 入到去坐咗陣，師傅就介紹推介， 朋友唔食鮑魚下，就揀咗象拔蚌個set. 先黎前菜，沙律加刺身， 成日諗點解啲擺盤可以成幅畫咁😀 之後先黎個煎吞拿魚， 估唔到刺身級原來煎一煎會咁好味 再黎煎超大大大隻蝦，🦐🦐 成隻手掌咁大隻， 師傅手勢好，刀叉剝埋殼仲去埋腸 （貼心程度比男朋友仲高）😄😄 杯野飲黎啦， 茶加酒加芝士， 估唔到咁夾 之後師傅可能心情好， 或者其他情侶要求下， 師傅用飯炒咗個心出黎， 除咗睇得，仲食得咖，超好味🍚 甜品環節， 超驚喜既牛油焦糖多士， 唔太甜又脆卜卜👍👍 （掛住食唔記得影相啊😭） 驚喜一個個黎， 好彩book位個時講咗係慶祝生日， 師傅手起「筆」落就係塊鐵板到寫咗「生日快樂」 仲要係倒字，勁啊😲👏 #foodie 餐飯食得好開心， 師傅都好細心， 有問我地有無咩葱蒜薑唔食。 值得加分。。。 #

灣仔鐵板燒：板神

/ 今日黎到灣仔既板神食鐵板燒 板神有3間分店，分別位於觀塘，灣仔同銅鑼灣 而灣仔係海景店，我地食鐵板燒所以坐吧台 望住山景好開陽 不過overall未到好驚喜 特選套餐 Special Teppanyaki Lunch Set 薄燒A5和牛 ($580) 個set包左前菜, 沙律🥗, 大蝦🦐, 牛肉🥩 跟住可以揀帶子/ 法國鵝肝/ 銀鱈魚，最後有炒野菜，炒飯同埋甜品/ 餐飲 🥗前菜＆沙律 前菜係雞絲秋葵，味道唔錯 沙律就反而麻麻，唔夠醬汁之餘啲菜太大塊，食起上黎有啲難 🦐大蝦 大大隻蝦 味道正常，冇乜特別 🥩牛肉 牛肉有美國牛肉，澳洲和牛同A5和牛揀，亦可以揀厚燒/ 薄燒，價錢亦都有唔同 今次我揀左薄燒A5和牛，因為個人唔中意厚燒大大舊肉 薄燒牛包住蒜片同蔥，油脂感重，但味道唔太濃，要另外點鹽/ 醬先夠味 同行朋友都有分別試左澳洲和牛厚燒同A5和牛厚燒 澳洲和牛厚燒牛肉味比較重，但相對A5和牛厚燒就冇咁軟淋 A5和牛厚燒油脂感重啲，但兩款都係要點鹽/ 醬先夠味 🦪帶子 帶子燒好左之後有淋上牛油，再係面加魚子醬，size亦都好大粒 但食落冇乜帶子應有既鮮甜味，有啲失望 同行朋友都有叫到鵝肝同銀鱈魚，每樣都有試到 鵝肝反而有驚喜，用左迷你漢堡托住，一啖放入口，鵝肝既油香味充滿住成個口腔👍 而銀鱈魚亦都味道比較淡，但魚肉都滑 🍚炒飯 炒飯係成個set最加分既項目 因為加左頭先大蝦蝦頭既膏去炒，令到成個炒飯味道提升 所以就算已經好飽都成碗食晒 🍢甜品 最後係甜品或餐飲二選一 蕨餅有黃豆味同綠茶味 綠茶粉好香濃，但蕨餅質感未去到好軟淋，可以更好 / 😋食物質素：7/10 🍽️用餐環境：9/10 💰性價比：6/10 👣回頭率：6/10 #浪漫約會餐廳#foodie

嘆住海景食高質鐵板燒(下)

呢間餐廳主打各款鐵板套餐，設有開放式廚房，客人可以邊睇大廚即席料理，邊歎美食傾計👩🏻‍🍳今次就試咗💲7️⃣8️⃣0️⃣嘅椿·席前鉄板燒(一人前) 💗大蝦 大蝦爽彈鮮甜，加入蝦膏做成嘅醬汁，食落甘香味濃🦐 💗A5和牛薄燒 和牛薄片油花呈雪花紋理，肉質軟嫩細膩，肉味同油香十足🐃包住大量蔥花同炸蒜片，口感非常豐富🧄 💗蔬菜 有蘆筍🎍、紅椒🫑、蘑菇🍄同玉米荀🌽，味道清甜解膩 💗炒飯·漬物 炒飯加入牛肉碎🐮﹑ 洋蔥粒🧅、紅椒粒🫑、蔥花、紅蘿蔔粒🥕同雞蛋🥚，食落乾爽焦香，粒粒分明，黑椒味重。附上千本漬同牛蒡漬，食落爽脆酸甜🥙 💗湯品 麵豉湯鹹香味濃，加入海帶、豆腐同大蔥煮成🍲 💗甜品 🍞焦糖多士：以牛油同砂糖煎香麵包，簡單又美味嘅組合 🍎日本人氣青森縣蘋果味卷蛋：鬆軟濕潤嘅蛋糕捲住幼滑清新嘅蘋果忌廉 味道指數：😋😋😋😋 抵食指數：💲💲💲💲 環境指數：😍😍😍😍😍 💰人均消費：$401- $800 📍板神鉄板燒日本料理 GodofTeppanyaki  灣仔軒尼詩道256號The Hennessy30樓 銅鑼灣告士打道255-257號信和廣場1樓103號舖 觀塘駿業街43號地下 #景觀餐廳#本地遊#高空觀景#浪漫約會餐廳#foodie

超高質嘅日本鉄板燒店

呢次嚟到位於銅鑼灣信和廣場，呢度有「米芝蓮星級商場」嘅稱號，可想而知位處於嘅餐廳都係有米芝蓮嘅級數。我哋去嘅就係喺5月先開業嘅板神鉄板燒日本料理。 板神係香港首間最大型嘅鐵板燒料理，佢哋喺餐廳環境上每一個角落都花盡心思，大顯氣派。 而餐廳分左五大區域，分別係主要食omakase嘅壽司吧、食串燒嘅炭火區、將快開幕可以食雪茄飲酒嘅Sake Bar 及Wine Room ，當然唔少得嘅鐵板燒區。 我哋呢次係去炭火區，佢哋有兩位嘅師傅長駐，會喺客人面前即時烤製。而佢哋燒烤所用嘅炭亦都好講究，係用上日本高級嘅備長炭作炭火燒烤，呢種炭嘅特點係可以高達800度高溫，可以鎖住肉裏面的水份，將烤肉的美味鎖在其中更好吃，仲有用普通炭嘅話容易將肉燒焦，而備長炭因導熱性均勻不容易燒焦，可以做雪色香味俱全。仲有一點就係火力夠穩定，就算滴到油脂都能保持穩定。 有高級嘅炭火當然要用返相應嘅食材，呢次就食餐廳所推介嘅新鮮三黃雞。 三黃雞嘅雞味特別濃郁，因為佢哋採用放養所以營養會更加充足，令味道都會更鮮甜。而肉質亦因為放養關係四圍經常走，肉質會較其他雞肉結實，餐廳用嘅雞大多都係選3-4斤重嘅，佢哋嘅皮下脂肪都夠厚，燒出嚟嘅雞顏色都很好，同埋油香四溢。 師傅推介我哋食分別有雞皮，大蔥雞肉，雞大腿肉，免治雞肉串，雞翼，雞腎，雞槌肉。除左以上嘅雞外仲有一份嘅A5和牛西冷。而較為特別嘅可算係雞皮同埋免治雞肉串。 雞皮：師傳係原塊將其燒至香脆，油香滿滿，口感香脆，食落好似食緊薯片一樣。 免治雞肉串：呢度用左香茅替代竹簽，所以經過炭火嘅洗禮後，雞肉入面都有著淡淡嘅香茅香味，增添上一層東南亞嘅風味。 當然最令人驚艷嘅就係A5和牛西冷，牛肉火候控制得宜，令其肉質嫩滑，做到入口即化，而味道調味得宜，加埋秘製嘅醬汁，更加惹味，仲更能突出牛肉本身濃郁嘅牛味。 最後最後師傅仲好好人，燒製左一款菜單上無嘅燒菠蘿請我哋享用，為呢餐完美嘅串燒作完美嘅句號。 #likes #likesbackalways #likeback #followbacknow #likesforlike #follow4followback #followforfollow #tagsforlikes #folloebackinstantlyu #wwhkfood #ufoodhk #delicious #yummy #hkfoodie #foodporn #hkfood #foodie #foodporn #foodlover #foodkiller #foodpics #ufoodphoto #hkig #foodphotography #美食 #相機食先 #食好西 #吃貨 #photooftheday #大口仔在銅鑼灣 #foodie

香港 灣仔海景鐵板燒 人均$380 性價比超

想吃好久的鐵板燒 終於去吃了 吃完覺得性價比超高 一定要推薦給你們💕 ✨ 這間鐵板燒有不同的分店 這次我就去了灣仔分店 去吃午餐 好期待呢 😍 餐廳位於 30樓 風景超好 幾邊都能看到海景 而且位置闊落 坐下來覺得很舒服 天氣很好 看着藍天白雲 吃鐵板燒真的十分分寫意 餐廳有卡位 和包廂 可以跟朋友一起一起吃 很有私隱度 下次來考慮一班朋友一起來 一定很熱鬧 推薦給大家 👭👭 坐卡位 看著出面環境開陽 坐得很舒服 🦐 午市有不同的套餐選擇 便宜還是貴就看係選擇什麼套餐 最便宜可以每人$380食到一個午餐 會有10道菜式 真的不分抵吃❗️ 我們選了特選套餐 最便宜$380 美國牛唔肉 然後加錢升級了 A5和牛厚燒 $600 坐在包箱𥚃看著師傅在鐵板上表演 煮好就立即夾給我們吃 真的是好特別的體驗 而且可以跟師傳聊天 說一下你喜歡的味道 比如我們喜歡吃炒飯要多香蔥 😆 套餐有 前菜 沙律 大蝦 牛肉 鵝肝/帶子 季節野菜 a5和牛厚燒 炒飯 漬物 麵豉湯 甜品 每道菜都好好吃 最喜歡吃大蝦跟鵝肝 最驚喜是甜點 焦糖麵包看上去普通 吃下去好好吃 吃完想再吃😆 💕 總括而言 這餐廳性價比真的好高 好推介朋友閨蜜生日 情侶慶祝紀念日 去這就沒錯了 環境食物也很好 是一間性價比很高的餐廳 不會踩雷 它家有幾間分店 分別是觀塘銅鑼灣灣仔 你們可以去試一下 不會失望的😋 . . . 🏡 板神鉄板燒日本料理 (The Hennessy) (灣仔) 📍 灣仔軒尼詩道256號The Hennessy30樓 #浪漫約會餐廳

鉄板燒界天花板😍😍😍 要來試試喔！❤️

God of Teppanyaki♨️ 席前鉄板燒天花板🏅🥳 . . OMG‼️ 呢間係我最近嘴過既日式席前鉄板燒料理既天花板😍，環境地段優越、景觀開揚對著維港景致、設獨立房間包廂、服務優質貼心、食材新鮮優質好吃、廚師風趣幽默笑容滿面，在這裡感受到一頓超愉快的晚餐呢。 銅鑼灣貴為板神旗艦店🌟，佔地特大，分多個獨立餐區：鉄板燒、Omakase、VIP 房、酒吧區，均屬高規格且高端路線，來慶生`約會`聚會勻是非常得體合適喔！對著迷人璀璨維港🌊 再跟朋友吃頓由師傅席前表演既Teppanyaki 確是享受。 平日來吃晚餐 Set Menu 都要 >$1,380 up 而家做緊限時優惠‼️超級抵食‼️😍😍😍 【 Lucky 7 激安套餐 (一人前）】 $388 會員價 vs $688 非會員價 (免費入會） 食過咁多次都未試過咁平😳 趁優惠去食啦🥳！ 🔸沙律 (野菜沙律) 新鮮脆嫩生菜，配甘筍沙律汁 & 春捲皮脆脆。 🔸刺身三點 (火炙吞拿魚、帶子、鰤魚）新鮮 🔸龍蝦原隻 (原隻青龍蝦🦞 伴日本青椒仔） Sauce: 秘製蝦汁 牛油 芝士，提鮮惹味，肉質新鮮彈牙。 追加項目： 🔸海鮮 車海老 +$48 餐廳秘製蝦膏汁，肉質新鮮彈牙。 🔸日本A5和牛厚燒 +$98 50g 安格斯牛粒，油脂超級豐富，滿滿油香很迷人。 🔸帆立貝 +$48 (刺身級) 北海道帶子，先吃原味道。 🔸美國薄燒 2片 5成熟 包住獨子蒜 & 青蔥 剛好，口感超豐富😍 🔸炒飯 (蔥、紅蘿蔔絲、惹味煙肉、洋蔥）夠鑊氣、炒野菜 (椰菜 紅蘿蔔絲 芽菜)、龍蝦湯 (龍蝦殼煮龍蝦味噌湯)、滇物 🔸 甜品．火焰．士多啤梨 +$68 有即崩席火焰表演既甜品環節，福士多啤梨 吉士醬內餡 + 火焰士多啤梨 有橙酒 + Tiramisu & 最中餅 & 焦糖脆脆 伴碟，加上焦糖多士 大滿足❤️。 飲品 🔸Cocktail Ma Ma De +$78 麻油Gin based (麻油味), Fruity, 有Apple wood smoky, Pineapple juicy, Basil, Jasmine tea 🔸Mocktail Japanese Borscht $58 Tabsaso辣辣地, 紅石榴Syrup, Orange juice, Eral Grey tea, Egg yolk . . ×××[板神鉄板燒日本料理 -God of Teppanyaki]××× ©銅鑼灣告士打道255-257號信和廣場1樓103號舖 . .

🍽️ 香港板神鐵板燒：高級日本餐廳

🍽️ 香港板神鐵板燒：高級日本餐廳 香港板神鐵板燒是一家著名的高級日本餐廳，以其高品質的食材和精湛的烹飪技術而聞名。🌟 🏞️ 舒適用餐環境：放鬆心情 餐廳擁有現代舒適的環境，是一個適合享受美食和放鬆心情的理想場所。進入餐廳，你會被寬敞而典雅的用餐區所迎接。座位環境非常舒適，讓你可以盡情享受美食的同時，也能與家人和朋友輕鬆交談。💆♀️💆♂️ 🍣 優質食材：獨特風味 餐廳對食材的嚴格品質控制使其菜式獨樹一格。為了確保食材的新鮮度和質量，餐廳與優質供應商合作，只選用最優質的食材。無論是和牛🥩、龍蝦🦞還是蔬菜🥦，每一道菜都具有獨特的風味和豐富的口感。和牛是餐廳的招牌菜之一，其肉質鮮嫩多汁，每一口都令人陶醉。龍蝦則帶有濃郁的海鮮味道，鮮甜多汁。新鮮蔬菜則使整個餐點更加平衡和健康。🍽️🌿 👨🍳 精湛烹飪技術：美味獨特 餐廳的廚師們擁有高超的烹飪技術，精心烹調出獨特的風味。他們將食材經過細心處理和精湛的技巧，以鐵板燒的方式烹調出美味。當廚師將新鮮食材放在鐵板上時，你可以聞到食材散發出的香氣，令人垂涎欲滴。鐵板燒的烹調方式不僅能保持食材的原汁原味，還能帶出食材的獨特風味。每一口都能感受到日本料理的精髓和風味，讓人回味無窮。👨🍳🔥 🏮 專業服務：舒適用餐體驗 除了美食，餐廳的用餐環境也非常舒適，並提供專業的服務。餐廳以現代設計為主，擁有舒適的燈光和溫暖的氛圍，讓你可以輕鬆享受用餐體驗。無論是與家人、朋友還是商業伙伴一起用餐，餐廳的環境都能讓你感到放鬆和舒適。服務人員專業友好，能夠提供周到的服務，讓你的用餐體驗更加愉快。👩🍳🤝✨ 總之，香港板神鐵板燒是一家以高品質食材和精湛烹飪技術聞名的高級日本餐廳。無論是食材的新鮮度還是菜式的獨特風味，餐廳都力求做到最好。在舒適的環境中，你可以品嚐美味的鐵板燒料理，感受廚師們的烹飪藝術。無論是與家人共享美食，與朋友聚會，或是商務宴請，這裡都是一個理想的選擇。🍽️🎉 #香港 #板神鐵板燒 #香港美食 #香港餐廳 #香港美食探索 #鐵板燒 #鐵板燒香港 #香港必吃 #美食香港 #香港料理 #香港美食推薦 #香港鐵板燒 #香港美食景點 #板神鐵板燒香港 #香港美食愛好者 #美食探險 #香港旅遊 #香港板神 #香港鐵板燒推薦 #香港美食圈 #報名酒店試睡員 #2024旅行願望

香港首屈一指鐵板燒

這間人氣日本餐廳是香港首屈一指的鐵板燒，寬敞的環境空間感十足，裝修充滿著時尚感的和風，廚師吧枱能欣賞師傅的手藝，適合約會或多人聚會。 . 大豊．鉄板燒二人前 - $1380 . 前菜、沙律 新鮮翠綠的沙律菜，有晶瑩剔透的啫喱、粟米及車厘茄，伴以清新的柚子醋；關東煮有著鮮味的柴魚高湯，有竹輪、蒟蒻及蘿蔔好入味。 . 刺身三款 雪白肉厚的帶子爽滑彈牙；吞拿魚含豐富魚脂且無筋，入口即溶；柔中帶韌的鯛魚好鮮甜。 . 鐵板燒活龍蝦 生猛的澳洲活龍蝦肥美飽滿，龍蝦肉好鮮嫩彈牙，取出甘香的龍蝦頭膏炒香，突出其本身的鮮味。 . 南非鮑魚 厚肉爽身的活南非鮑魚有著濃郁的鮑味及鮮甜，入口柔軟嫩滑。 . 本日海鮮 是日為蟶子皇，潔白的貝肉肥厚無沙啖啖肉，肉身鮮甜，邊位爽脆。 . 美國牛肉薄燒 每人兩片油花豐富且分佈的牛肉，薄燒得恰到好處，外皮焦香，內裡保持著五成熟的粉嫩，包裹著滿滿的炸蒜及香蔥，滿嘴甘香的油脂香。 . 季節野菜 包括日本香菇、翠玉瓜、粟米仔及紅椒，鮮甜多汁好清新。 . 炒飯 粒粒分明的炒飯充滿著鑊氣，均勻染上雞蛋及醬油，鹹香的煙肉粒增添油香，更有紅椒、蘿蔔等平衡膩感。 . 漬物 爽脆的日式醃牛蒡及蘿蔔，酸甜開胃。 . 麵豉湯 採用龍蝦頭熬湯活用食材，豆味香濃的味噌湯增添一份海鮮鮮甜，更有昆布及豆腐粒。 . 甜品 金黃酥脆的焦糖多士香甜帶焦香，毫不油膩；幼滑細膩的開心果雪糕有一粒粒開心果碎，富堅果香。 . 另外餐廳最近推出全日供應的感謝祭，可品嚐鐵板燒十四品，每位只需$398，而且連星期一至日及公眾假期均適用。 . 用餐完畢更送上價值$200的現金優惠卷適用集團全線品牌。 ------------------------- 板神鉄板燒日本料理 God of Teppanyaki 地址: 尖沙咀漢口道28號亞太中心1樓16號舖 #hkfoodie #hkfood #hkrestaurant #hkfoodblogger #hkdaily #美食推薦 #香港美食 #香港好去處

"超高cp值鐵板燒"

係香港食到一餐高cp值嘅鐵板燒..絕對係超超超超值 板神～我願稱之為第一 佢地而家搞緊感謝祭..398蚊就食到 7月出左新meun…入而嘅set仲可以跟據自己嘅愛好去轉 我地就加錢轉左隻龍蝦.a5和牛厚燒.澳洲和牛薄燒 全部都好有質數…絕對係cp值首選..仲要高質數嗰下先抵讚！ 食到有啲野都無影到相🙈 利申…不是打手 只係想賺下分嘅小薯仔.. 但‘板神鉄板燒日本料理’絕對係超高cp值嘅首選！#鐵板燒

銅鑼灣｜超抵食！$398即嘆鐵板燒/omakase🥰

📍板神鉄板燒日本料理 (銅鑼灣) 第二次到訪板神，估唔到感謝祭優惠延長咗🎊，除咗有之前嘅十四品鐵板燒套餐，仲推出咗🎉十五品御膳套餐，兩款都係全日都全線分店供應，而且$398就可以食到，超抵食！ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫: ◾️大感謝祭·鐵板燒套餐 ($398/1) ▫️前菜、沙律 🥗 ▫️刺身三款 分別係帆立貝、油甘魚、吞拿魚，三款都好新鮮高質！ ▫️南非鮑魚 鮑魚口感爽彈，鮮味十足。 ▫️大海老 🦐 蝦肉大隻且肉質札實飽滿，面頭仲有惹味嘅蝦膏醬。 ▫️帶子/法國鵝肝/白鱈魚（三選一） 今次選擇咗法國鵝肝，鵝肝好厚身，會夾喺一個迷你漢堡🍔入面呈上，造型可愛，🤤入口油香滿滿，口感柔軟。 ▫️季節野菜 ▫️美國牛肉厚燒 ($448) 點咗五成熟，🐮牛味香濃，入口鮮嫩多汁。 ▫️炒飯 🍚 用料豐富，炒得粒粒分明，好香口。 ▫️麵豉湯 ▫️漬物 ▫️焦糖麵包 🍞 多士燒得好香脆，整體甜而不膩。 ▫️蕨餅 分別有黃豆粉同抹茶🍵兩款口味，煙韌美味，茶味香濃，好滿足！ ◾️大感謝祭·十五品御膳 ($398/1) ▫️前菜 ▫️沙律 ▫️刺身三款 分別係油甘魚、帆立貝、八爪魚，🤩油甘魚經網燒後更添魚脂香；帆立貝清甜爽滑；八爪魚慢煮後口感柔軟。 ▫️壽司五款 🍣 由於我哋安排坐咗喺壽司吧前面，可以觀賞到師傅製作壽司嘅過程✨。五款壽司分別係真鯛、深海池魚、赤蝦、梭子魚、中拖羅。👨🏻‍🍳師傅會為我哋介紹同建議我哋由較淡味嘅開始食起，每一款都好有光澤，賣相吸引！最鐘意中拖羅，魚油豐盛，好肥美！ ▫️天婦羅［蝦、野菜］ 天婦羅嘅粉漿唔會過厚，入口脆卜卜好正。🍤蝦天婦羅好大隻，且新鮮彈牙；🍆茄子同南瓜天婦羅味道香甜。 ▫️西京燒 銀鱈魚燒得好香口，魚皮微脆，而內裏魚肉嫩滑🥰，富含魚油。 ▫️湯 ▫️蕨餅 𝑨𝑫𝑫𝑹𝑬𝑺𝑺: 📍銅鑼灣告士打道255-257號信和廣場1樓103號舖 Shop 103, 1/F, Sino Plaza, 255-257 Gloucester Road, Causeway Bay #板神鉄板燒日本料理 #鐵板燒 #hkfoodie #foodiehk #hkfood #HongKonger #foodstagram #hkfoodlover #hkfoodstagram #hkigfood #hkfoodblogger #香港美食 #銅鑼灣美食 #hkfoodblog #hkfoodshare #hongkongfood

抵食！板神感謝祭set $398 全日都有

板神真係食完又再食，近排佢地推呢 2 個感謝祭套餐真係好抵！14 品鐵板燒+15 品御膳 2 款都係$398，仲要星期一至日全日適用！今次我係去咗銅鑼灣分店，個set應該太受歡迎，我地已坐唔到鐵板燒位，去咗壽司枱嗰邊，不過壽司枱個位都好舒服，同埋仲可以睇到司師傅席前製作，都抵返晒喇😍 📍十五品御膳 $398 (前菜/沙律/刺身3 點/壽司5貫/天婦羅/西京燒/湯甜品或咖啡) -刺身分別係油甘魚/梭子魚/帆立貝 前兩者火灸過，油脂迫晒出黎，入口滿口油香，肉質豐富有咬感；帆立貝味道鮮甜 -壽司有真鯛/深海池魚/間八/中拖羅/赤蝦 全部鮮度十足，肉質一流，魚腩部位非常肥美，口感相當濃郁香醇，我就最鐘意赤蝦 -天婦羅有蝦同野菜，炸衣好薄，入口超酥脆 -西京燒鱈魚魚肉質地細滑帶點彈性，燒得有香濃嘅油香但唔會膩口

性價比十分之只需$400多。食物質素新鮮。而且師父控制熟度技巧好好，不會太老、太生。

食在灣仔 | 板神鉄板燒日本料理 | 全日供應特價套餐$398起

日前見到很多人介紹 #板神 #鉄板燒 #日本料理 的4月感謝祭，窩夫便帶媽媽去試試。 等候入座時去了一趟洗手間，感受到餐廳的貼心，第一印象良好。 餐廳位於30樓，海景為一大賣點，可惜當日天色欠佳。 全日供應的特價套餐398元起，部分食品可加錢轉其他食品。 點了薄燒美國牛肉($398)和厚燒美國牛肉($448)，帶子、白鱈魚和法國鵝肝三選一就選了法國鵝肝。 食材準備好，前菜也來了，蘿蔔絲爽口清甜。 豆腐沙律配胡蔴醬水準不錯，窩夫很喜歡那隻碗呢。 刺身三款並不是常見的款式，甚有驚喜。(註：鄰座食客的刺身跟窩夫的不同，是常吃的三文魚和吞拿魚等。) 媽媽不吃刺身，便加50元轉法國白鱈魚，比預期大件。 法國白鱈魚燒得非常好，外表香脆，魚肉嫩滑多汁，蘸少許海鹽更加滋味。 同樣來自法國的鵝肝很厚身，燒得外脆內軟，用小漢堡夾著來吃，感覺沒那麼膩。 小漢堡有綠色的和紅色的，見到顏色漂亮的食物，胃口特別好。 季節野菜有紅椒、粟米芯、露筍和菇，全部食材都很高質，紅椒超甜。 南非鮑魚令人期待，絕對沒有令人失望。 大蝦很大隻，醬汁的味道剛剛好，不會蓋過蝦的鮮味，不過略嫌燒得過火了。 厚燒牛肉切成大大的牛肉粒，咬下去肉質軟腍，肉汁豐富。薄燒牛肉的肉味比厚燒的濃，裡面包著蔥和炸蒜片，蒜味較蔥味突出。 炒飯加了大蝦蝦頭的蝦膏和蝦肉，還有牛肉、雞蛋和蔬菜等，味道不錯。 套餐還有漬物和沒有上鏡的味噌湯，漬物有蒜頭漬和柚子蘿蔔。 良好的用餐體驗在吃甜品時逆轉。藥水味的蛋糕只吃了半口便放棄，滿心期待壓軸的焦糖多士，等了又等，等到職員拿著帳單進來說用餐時間已過，說好的焦糖多士呢？原來被遺忘在隔壁的房間，放涼了又怎會好吃，連相機也沒有食先。 #板神鉄板燒日本料理 地址：#灣仔 軒尼詩道256號The Hennessy 30樓 #窩夫與蝦子餅 #窩夫與蝦子餅食在灣仔 #窩夫與蝦子餅食日本菜

性价比超高的日本🇯🇵料理铁板烧

为好姊妹，好伙伴庆生！ 感谢B老板特别安排維多利亞港海景独立房🙏 性价比超高的日本🇯🇵料理铁板烧—板神！👏👏👏 令人喜出望外的一顿海景日本🇯🇵料理！👍👍👍 #foodie #lobsters #香港好去處 #夏日搵食推介 #hkfoodie #性價比日本料理

板神鉄板燒日本料理 (觀塘)

📍 香港觀塘駿業街43-45號 同家人到觀塘餐廳食日本鐵板燒🤤鍾意食日本高級食材嘅就一定要試👍🏻價錢雖然係中上，但係值回票價性價比非常高🍽食物材料都非常新鮮😋 二人套餐2480個個餐有前菜、沙律、澳洲鮑魚或者係澳洲龍蝦、香煎銀鱈魚、鵝肝、A5日本和牛燒、甜品😋（另外再加左一份拖羅） 廚師烹調之前專登俾我哋影下食材，食龍蝦真係非常之大隻佔咗半隻碟 廚師雖然非常之後生但係功力一流，仲會同我地閑話家常。 龍蝦肉配上跳過味嘅龍蝦膏，味道簡直係一絕👍🏻 銀雪魚，銀雪魚煎得非常之香，肉質亦都非常好味油份極重！超級好味🤟🏻 香煎鵝肝多士，好味到冇得頂。師傅專登煎耐少少，等冇咁油膩😋 跟住就係A5和牛，味道一流👍🏻入口即溶✨ 食飽飽再來一個龍蝦湯，師傅將剛剛嘅龍蝦湯攞咗去煲湯，擺咗係增加湯嘅鮮味。 唔夠飽仲可以嚟多個炒飯，每一粒飯都炒得好香🤤 配埋綠茶雪糕非常好味。 #本地遊 #鐵板燒 #日式 #和牛 #香港美食 #夏日搵食推介

嘆住海景食高質鐵板燒(上)

呢間餐廳主打各款鐵板套餐，設有開放式廚房，客人可以邊睇大廚即席料理，邊歎美食傾計👩🏻‍🍳今次就試咗💲7️⃣8️⃣0️⃣嘅椿·席前鉄板燒(一人前) 💗前菜 🫓鱈魚乾：口感薄身香脆 🥒麵醬青瓜：食落爽中帶鹹，略帶青瓜嘅草青味，味道較奇特 🥢水雲：海藻幼細黏滑，味道偏酸開胃 💗季節沙律 🥗火腿沙律：火箭菜略為苦澀，火腿帶燻燻香，以清爽嘅柚子醋汁調味 💗刺身三款 🐟油甘魚：肉質爽口緊緻，魚油欠奉 🔥金目鯛：肉質爽滑纖細，輕炙魚皮突顯其魚脂香 🦈赤身：肉質結實軟滑，魚味濃郁 💗南非鮑魚 鮑魚口感鮮嫩彈牙，帶海水鮮味🐚 💗白鱈魚 鱈魚以香草牛油煎至金黃焦香，魚肉柔嫩細滑，油脂四溢🐋 味道指數：😋😋😋😋 抵食指數：💲💲💲💲 環境指數：😍😍😍😍😍 💰人均消費：$401- $800 📍板神鉄板燒日本料理 GodofTeppanyaki  灣仔軒尼詩道256號The Hennessy30樓 銅鑼灣告士打道255-257號信和廣場1樓103號舖 觀塘駿業街43號地下 #本地遊#高空觀景#景觀餐廳#浪漫約會餐廳#foodie