非常唔錯嘅銅鑼灣Cafe🥰

☕️️ Cafe for chilling — Al Forno Cafe & Bar✨ 想試咗好耐😆🙌🏻 #90cp銅鑼灣篇 #90cpcafe篇 ➖➖➖➖➖ 之前一直都有留意呢間小店😤 佢嘅Tiramisu 非常吸引 心郁郁同拉左女朋友嚟試 位置上雖然有少許kick 但嘢飲真心唔錯🤫 美味指數 😋: ⭐️⭐️⭐️⭐️ ~ ⭐️⭐️⭐️⭐️⭐️ 環境指數 🏖: ⭐️⭐️⭐️⭐️ 服務態度 👨🏼‍🍳: ⭐️⭐️⭐️⭐️ 翻兜指數 💫: ⭐️⭐️⭐️⭐️ (五粒星為滿分💯) ✨ Sweet BBQ Chicken Pizza $148 份量望落唔太大但都幾飽肚🙌🏻 上面嘅新鮮菠蘿片大塊好juicy 加埋蜜糖雞真。冇得輸🤤 邊皮都整得好脆 值得一試😌 🔸 墨魚汁意大利粉 $168 帶子大大粒 整得啱啱好冇overcook 係正嘅🤫 底層就有少量嘅蟹肉 不過如果可以再多d更好🙈 成個意粉嘅味道都偏淡🍝 Pizza比較出色!! ✨ Wings Buffalo $88 呢個雞翼唔錯 $88 6隻CP值唔算高🤔 但味道濃郁 而且帶有少少辣好開胃 小食嚟講唔錯 ✨ Mini Crab Cake w/ Garlic Aioli $98 雖然佢嘅crab cake唔算好結實 不過就食得出好新鮮嘅蟹肉🦀 而且非常足料 味道係幾好嘅 不過就乾咗少少🙈 雖然底部有少少醬 不過個人覺得可以多番啲 咁就一流😙 ✨ Tiramisu $68 重頭戲當然係佢嘅甜品🤫 Tiramisu 好重咖啡味 cream多又軟熟 配搭中間有少少脆口嘅lady finger 口感係唔錯🤤 🥤 Nightcore $88 飲品絕對驚喜十足😱 呢杯mocktail 中間加咗雪糕 飲落其實好似smoothie 都有少少飽肚🤭 有少少士多啤梨同埋花香嘅味道 作為本店招牌絕對有啲驚喜 🥤 Halloween No Eyes See $88 但講到更加驚喜一定係呢杯🥰 halloween 期間限定嘅呢杯本身已經好有心思 中間嘅冰居然係用龍眼肉同埋藍莓砌成一隻眼😳 啱晒萬聖節theme🤪 飲落酸酸甜甜而且有少量果肉 味道唔錯之餘誠意都十足🤩 💰Total: $746 ✅ 佢啲嘢食絕對係唔錯 不過嘢飲就更加出眾😚 價錢方面大家就自己權衡啦 我就覺得還好🤑 💡溫馨提示💡 不過估佢唔到都幾多人等位 大家想來嘅話可能要預早少少🤔 ➖➖➖➖➖ 📍 Al Forno Cafe and Bar (銅鑼灣) 銅鑼灣告士打道218號地舖 #本地遊#浪漫約會餐廳#cafe#這家酒吧有點cool#親子好去處#foodie#下午茶情報#夏日搵食推介#炎夏好去處